ડિજિટલ પેમેન્ટ માટે રોજ લકી ડ્રો, મળશે 340 કરોડના ઇનામો, જાણો કઈ રીતે જીતી શકાશે ઇનામ?

નવી દિલ્લીઃ નોટબંધી પછી ભારત સરકારે ડિજિટલ પેમેન્ટને પ્રમોટ કરવા માટે 340 કરોડના ઇનામોની જાહેરાત કરી છે. સરકારે ગ્રાહકો અને વેપારીઓ માટે ડેઇલી, વિકલી અને મેગા એવોર્ડની જાહેરાત કરી છે, જેના માટે 340 કરોડ રૂપિયાનું બજેટ બનાવ્યું છે.

ક્રિસમસ એટલે કે 25 ડિસેમ્બરથી 15,000 લકી વિનર્સને એક-એક હજાર રૂપિયાનું ઈનામ મળશે. જ્યારે વેપારીઓ માટે 50,000 રૂપિયા સુધી વિકલી એવોર્ડ રાખવામાં આવ્યો છે. નીતી આયોગના સીઈઓ અમિતાભ કાંતે ગુરૂવારે જણાવ્યું છે કે ડિજિટલ પેમેન્ટને પ્રોત્સાહન આપવા માટે વેપારીઓ માટે 'ડિજિ ધન વ્યાપારી યોજના' અને ગ્રાહકો માટે 'લકી ગ્રાહક યોજના' લોન્ચ કરવામાં આવી છે.