ભારતના વધતા કદથી પરેશાન છે ચીન, પ્લાન બનાવીને આ રીતે ચારેબાજુથી ઘેરી રહ્યું છે

ચીનની આક્રમક નીતિ ઝડપી બની છે, હિન્દુસ્તાનને ઘેરવા માટે ચીને સ્ટ્રિંગ ઓફ પર્લ્સ અંતર્ગત જે વ્યૂરચના કરી હતી હવે તેને એક કદમ આગળ વધારતા ચીને ભારતના તે પાડોશીઓ પર નજર નાંખવાનું શરૂ કરી દીધું છે જેની બોર્ડર ભારત સાથે જોડાય છે.

અંડમાન નિકોબાર ટાપુથી લગભગ 50 કિલોમીટરના અંતરે સ્થિત કોકો ટાપુ પર ચીન પોતાની તાકાત વધારીને આધુનિક નૌસૈનિકોની સુવિધાઓ પહેલાથી જ કરી ચૂક્યું છે. ડિસેમ્બર 2017માં શ્રીલંકાએ ચીનને પોતાના હંબનટોટા પોર્ટ 99 વર્ષો માટે ચીનને આપી દીધો હતો, એટલે કે ડ્રેગનની હાજરી હિન્દ મહાસાગરમાં સીધેસીધી વધશે.

માલદીવમાં ચીની નૌસૈનિકોની હાજરી હોવી લગભગ નક્કી માનવામાં આવે છે. આની સાથે જ આફ્રિકન દેશ જિતુબીમાં ચીન પોતાનો પહેલો વિદેશી સૈન્ય અડ્ડો બનાવવામાં સફળ થયું છે. પાકિસ્તાનના ગ્વાદર પોર્ટમાં પણ ચીન હાજરી પહેલાથી છે જે હિન્દુસ્તાન માટે પડકાર છે.

નવી દિલ્હીઃ ચીન ભારતને ઘેરવા માટે સંભવ બધી કોશિશો કરી રહ્યું છે, ખરેખર ચીનને ડર છે કે ભારતનું વધતું કદ તેની રાહમાં પથ્થર બની શકે છે. એટલા માટે ચીન ભારતના પાડોશીઓ પર નજર રાખી રહ્યું છે અને હિન્દ મહાસાગરમાં પણ પોતાની સૈન્યને વધારી રહ્યું છે. નેપાલ, બાંગ્લાદેશ અને પાકિસ્તાનમાં ચીન સતત પોતાની પક્કડ વધારી રહ્યુ છે. સ્પષ્ટ છે કે ચીન આગામી સમયની તૈયારીઓ કરી રહ્યું છે અને ભારત પર દબાણ બનાવવાની કોશિશ કરી રહ્યું છે.

આર્થિક મદદ અને વિકાસની લાલચ આપીને ચીન આર્થિક રીતે કમજોર નેપાલથી લઇ બાંગ્લાદેશ સુધી પોતાની પક્કડ મજબૂત કરી રહ્યું છે અને આ આ એક વિચારીને ચાલવામાં આવેલી ચાલ છે.

મ્યાનમારના ક્યાકપ્યૂમાં પણ ચીન બંદર બનાવી રહ્યું છે અને થિલાવા બંદર પર પણ ચીન નૌસેનાની અવરજવર છે.