લેફ્ટનન્ટ કર્નલની પુત્રીને કર્નલે મૉડલિંગની લાલચ આપીને કર્યો રેપ, જાણો પછી શું થયું?

આરોપીએ યુવતીને પણ લાલચ આપીને પહેલા પોતાની તસ્વીર કર્નલને મોકલી અને તેને મળવા મુંબઈના ઘરે પહોંચી હતી. જ્યાં કર્નલે યુવતીને કહ્યું કે તે બોલીવુડના ઘણા જાણીતી હસ્તીઓને મળાવશે. જેથી તે પોતાના ઘરે જ રોકાય.

નવી દિલ્લી: લેફ્ટનન્ટ કર્નલની પુત્રીના ગેંગરેપના આરોપમાં શિમલા પોલીસે એક આર્મી કર્નલની ધરપકડ કરી છે. બતાવવામાં આવી રહ્યું છે કે કર્નલે યુવતીને મૉડલિંગની લાલચ આપીને પોતાના ઘરે બોલાવીને તેની સાથે રેપ કર્યો હતો.

આ વિશે શિમલાના એસપીએ જણાવ્યું કે કર્નલની ધરપકડ યુવતીના મેડિકલ રિપોર્ટ પછી કરવામાં આવ્યા હતા. આ મામલામાં એક વધુ આરોપી વિરુદ્ધ પણ ફરિયાદ નોંધવામાં આવી છે.

મળતી માહિતી પ્રમાણે, રેપનો આરોપી કર્નલ આર્મી ટ્રેનિંગ કમાન્ડમાં પોતાની ફરજ બજાવે છે. આ કમાન્ડ દેશની તે 7 કમાન્ડમાંથી એક છે જ્યાં જવાનોને ટ્રેનિંગ આપવામાં આવે છે.

ઘર પહોંચ્યા પછી યુવતીએ પિતાને સમગ્ર ઘટના વિશે જાણ કરી હતી. યુવતીની ફરિયાદ પર શિમલા પોલીસે કેસ નોંધ્યો હતો અને મેડિકલ અર્થે તેને હોસ્પિટલ મોકલવામાં આવી હતી. મેડિકલ રિપોર્ટ આવ્યા પછી આરોપી કર્નલની ધરપકડ કરવામાં આવી હતી.

તેના પછી યુવતી કર્નલના ઘરે રોકાઈ ગઈ હતી. જ્યાં કર્નલે યુવતીને દારૂ પીવડાવ્યો હતો અને રૂમમાં જબરદસ્તી કરી રેપ કર્યો હતો. પીડિતાએ જણાવ્યું કે કર્નલે તેને અહીં ધમકી આપી હતી કે જો કોઈને પણ જાણ કરશે તો તેના પિતાનનું કરિયર ખતમ કરી નાખશે.

નિવેદનમાં યુવતીએ પોલીસને જણાવ્યું કે આરોપીએ શિમલાના એક થિયેટરમાં યુવતી અને તેના પિતાને બોલાવ્યા હતા. બાદમાં તે બન્નેને ડિનર પર લઈ ગયો હતો. જ્યાં આરોપીએ યુવતીના પિતાને લાલચ આપી હતી કે તમારી છોકરીને મુંબઈ મોકલવામાં આવશે, જ્યાં તેને મૉડલિંગની ટ્રેનિંગ આપવામાં આવી હતી.