પ્રધાનમંત્રી નરેન્દ્ર મોદીની મજાક કરવી AIBને પડી ભારે, તન્મય ભટ્ટ વિરૂદ્ધ FIR દાખલ

AIB દ્વારા હાલમાં જ ટ્વિટર પર એક પોસ્ટ કરાઈ હતી, જેમાં પીએમ મોદી જેવા જ દેખાતા એક શખ્સનો ફોટો પોસ્ટ કર્યો હતો. રેલવે સ્ટેશન પર ઊભેલાં આ શખ્સ મોબાઈલમાં કંઈક ચેક કરી રહ્યાં છે તેવો ફોટો પોસ્ટ કરી વન્ડરલસ્ટનું કેપ્શન લખ્યું હતું. AIBની આ હરકત સોશિયલ મીડિયા પર પોસ્ટ થતાંની સાથે જ કેટલાંક લોકોએ ગ્રુપની નિંદા કરી અને આ પીએમ મોદી અને દેશવાસીઓની ભાવનાઓની મજાક છે તેવા ટ્વિટ કર્યાં હતા.

ટ્વિટર હેન્ડર્સ દ્વારા નિંદા અને તીખી આલોચના બાદ પણ કોમેડી ગ્રુપે ટ્વિટ ડિલિટ કર્યું પરંતુ તેની કોઈ જ તેના પર પડી ન હતી. ગ્રુપના કોમેડીયન તન્મય ભટ્ટે આ વિવાદ બાદ ફરી એક ટ્વિટ કરી કહ્યું કે, “ અમે જોક્સ બનાવતા રહીશું અને જરૂર પડશે તો તેને ડિલિટ પણ કરતાં રહીશું. તેમ છતાં જોક્સ બનાવવાનું બંધ નહીં કરીએ. જો જરૂર પડશે તો માફી પણ માંગીશુ. અમારા વિશે લોકો શું વિચારે છે તેનાથી અમને કોઈ જ ફર્ક નથી પડતો.”

તો કેટલાંકે ટ્વિટર પર મજાક બનવાનું શરૂ કર્યું હતું. જે બાદ AIBને પોતાની ભદ્દી મજાકને ડિલિટ કરવી પડી હતી. પરંતુ ટ્રોલિંગ બંધ થયું ન હતું. મુંબઈ પોલીસની નજરમાં પણ આ ટ્વિટ આવી હતી અને તેઓએ સાયબર સેલને ફોરવર્ડ કરી હતી. જે બાદ સાયબર સેલે AIB વિરૂદ્ધ FIR દાખલ કરી છે અને આ મામલે વધુ તપાસ કરી રહી હોવાનું જણાવ્યું છે.

નવી દિલ્હીઃ કોમેડી ગ્રુપ AIBની મુશ્કેલી ફરી એક વખત વધી શકે છે. AIBએ પ્રધાનમંત્રી નરેન્દ્ર મોદીના ડુપ્લિકેટની એક તસવીર ટ્વીટ કરીને તેની મજાક ઉડાવી છે. ટ્વિટરબાજોએ જ્યારે ટ્વીટ કરવા પર AIBની ટીકા કરવાનું શરૂ કર્યું ત્યારે કોમેડી ગ્રુપે તાત્કાલીક આ પોસ્ટને ડિલીટ કરી દીધી હતી. જોકે ત્યાર બાદ આ મામલે મુંબઈ પોલિસના સાઈબર સેલે ગ્રુપને એક કોમેડિયન તન્મય ભટ્ટ વિરૂદ્ધ એફઆઈઆર નોંધી છે.