કોંગ્રેસ પાસે હવે માત્ર છ રાજ્યોમાં સત્તાઃ માત્ર 1 મોટા રાજ્યમાં કોંગ્રેસી મુખ્યમંત્રી, જાણો વિગત

કેન્દ્રશાસિત પ્રદેશ પુડુચેરીમાં કોંગ્રેસ સત્તામાં છે અને નારાયણસામી મુખ્યમંત્રી છે.

મિઝોરમમાં કોંગ્રેસ સંપૂર્ણ બહુમતી સાથે સત્તામાં છે અને લાલ થાનહવલા મુખ્યમંત્રી છે.

મેઘાલયમાં કોંગ્રેસ સત્તામાં છે અને મુકુલ સંગમા મુખ્યમંત્રી છે.

હિમાચલ પ્રદેશમાં કોંગ્રેસ સંપૂર્ણ બહુમતી સાથે સત્તામાં છે અને વીરભદ્રસિંહ મુખ્યમંત્રી છે.

પંજાબમાં કોંગ્રેસને સંપૂર્ણ બહુમતી મળી છે અને કેપ્ટન અમરિન્દરસિંહ મુખ્યમંત્રી બનશે.

કર્ણાટકમાં કોંગ્રેસ સંપૂર્ણ બહુમતી સાથે સત્તામાં છે અને સિધ્ધરામૈયા મુખ્યમંત્રી છે.

નવી દિલ્લીઃ પાંચ રાજ્યોની ચૂંટણીનાં પરિણામો સાથે જ ભાજપ હવે દેશમાં સૌથી વધુ રાજ્યોમાં સત્તા ધરાવતો પક્ષ બની ગયો છે ત્યારે કોંગ્રેસ અત્યાર સુધીમાં સૌથી ખરાબ સ્થિતીમાં આવી ગઈ છે. દેશનાં 29 રાજ્યો અને 2 કેન્દ્રશાસિત પ્રદેશ માત્ર 6 રાજ્યોમાં કોંગ્રેસની સત્તા છે. આ પૈકી મોટું કહી શકાય તેવું એક માત્ર રાજ્ય કર્ણાટક છે જ્યારે પંજાબ મધ્યમ કક્ષાનું રાજ્ય છે. ક્યા રાજ્યમાં કોંગ્રેસની સરકારો છે તે પર એક નજર નાંખો.