રાજસ્થાનમાં ભાજપનું ધોવાણ, કૉંગ્રસનો તમામ ત્રણ બેઠકો પર વિજય

માંડલગઢ વિધાનસભા બેઠક પર ભાજપ ધણા રાઉંડમાં આગળ ચાલી રહ્યું હતું બાદમાં 13 મતોથી હારનો સામનો કરવો પડ્યો હતો. કૉંગ્રેસના વિવેક ધાકડે ભાજપના શક્તિ સિંહને હરાવી જીત મેળવી હતી.

અમદાવાદઃ રાજસ્થાનમાં યોજાયેલી બે લોકસભા અને એક વિધાનસભા બેઠકની પેટાચૂંટણીમાં ભાજપને બહુ મોટો ફટકો પડ્યો છે. અજમેર અને અલવર લોકસભા બેઠકો તથા માંડલગઢ વિધાનસભા એ ત્રણેય બેઠકો પર કોંગ્રેસના ઉમેદવારોએ જીત મેળવી છે.

અલવર લોકસભા બેઠક પરથી કૉંગ્રેસના જૉ કરણ સિંહ યાદવે ભાજપના ડૉ જસવંત સિંહ યાદવને 1 લાખ 56 હજાર 319 મતે હરાવ્યા છે.

અજમેર લોકસભા બેઠક પર કૉંગ્રેસના ડૉ રધુ શર્માએ ભાજપના રામસ્વરૂપને આશરે 1 લાખ મતોથી હરાવ્યા છે.