કાકાના દીકરાએ મિત્ર સાથે મળીને સગીર બહેન સાથે વારંવાર પરાણે બાંધ્યા સેક્સસંબંધ, કેવી રીતે પાપ આવ્યું બહાર?

કિશોરીના માતા-પિતાએ FIR નોંધાવતાં પોલીસે પોસ્કો એક્ટ હેઠળ કેસ દાખલ કર્યો છે. પોલીસે ફરિયાદ બાદ તાત્કાલિક પગલાં ભરતા સગીર વયના આરોપીની ધરપકડ કરી છે. જ્યારે 18 વર્ષનો યુવક હાલ ફરાર છે.સગીર આરોપીને ગઈકાલે કોર્ટ સમક્ષ હાજર કરાયો હતો, જ્યાં તને જુવેનાઈલ હોમમાં મોકલાયો છે.

સોનીપતઃ હરિયાણામાં 15 વર્ષીય કિશોરી પર તેના કાકાના દીકરાએ મિત્ર સાથે મળીને બળાત્કાર ગુજારતાં આઠ મહિના ગર્ભવતી બની ગઈ હતી. કિશોરીને પેટમાં દુઃખાવો ઉપડતાં તેને ડોક્ટર પાસે લઈ જતાં તે ગર્ભવતી હોવાનું સામે આવતાં માતાના પગ નીચેથી જમીન સરકી ગઈ હતી. માતાએ પૂછપરછ કરતાં કાકાના જ દીકરાએ બળાત્કાર ગુજાર્યો હોવાનું કિશોરીએ જણાવ્યું હતું.

કિશોરીએ પિતરાઈ વિરૂદ્ધ અનેક વખત સામૂહિક બળાત્કાર અને ધમકીઓ આપી હોવાની ફરિયાદ કરી છે. જેના પર બળાત્કારનો આરોપ લાગ્યો છે, તેમાંથી એક સગીર છે. આ કિશોરી સોનીપતના મહિપુર ગામની છે. જેના પર કિશોરીના કાકાના દિકરા અને 18 વર્ષના એક યુવકે વારંવાર બળાત્કાર કર્યો હતો. એટલું જ નહીં આ વાતની જો કોઈને જાણ કરી તો તેના માતા-પિતાની હત્યા કરવાની પણ ધમકી આપી હતી.

કિશોરીનો આક્ષેપ છે કે, બંનેએ અનેક વખત તેની સાથે બળાત્કાર ગુજાર્યો હતો. તેણે જણાવ્યું હતું કે, તેઓ મને રૂમની અંદર ખેંચીને લઈ ગયા હતા. જેમાંથી એક નરાધમે મારૂ મોઢું દબાવી રાખ્યું હતું અને બીજો મને તેની તરફ ખેંચી રહ્યો હતો. જે બાદ બંનેએ મારા પર બળાત્કાર કર્યો હતો. તેઓએ મને ધમકી આપતાં હતા અને અનેક વખત દુષ્કૃત્ય કર્યુ હતું.

ડોક્ટરે ગર્ભવતી હોવાનો ખુલાસો કર્યા પછી કિશોરીએ તેની માતાને જણાવ્યું હતું કે, હતું કે તેના પિતરાઈએ તેની સાથે પહેલીવાર ગત વર્ષના ડિસેમ્બર માસમાં બળાત્કાર ગુજાર્યો હતો. તે ઘરમાં એકલી હતી અને ઘરની છત પર કપડાં લેવા ગઈ ત્યારે તેનો પિતરાઈ અને અજીત ત્યાં આવ્યા હતા અને તેના પર બળાત્કાર ગુજાર્યો હતો.