અનાજ સબસિડી માટે જરૂરી થશે આધાર કાર્ડ, જૂન સુધીમાં રાશનની દુકાનો પર ડિજિટલ પેમેન્ટ શરૂ થઈ જશે

પાસવાને જણાવ્યું કે, બિહાર અને ઉત્તરાખંડે જુલાઈ સુધી કેશલેસ સિસ્ટમ સ્થાપિત કરવાનું વચન આપ્યું છે જ્યારે અંડમાન અને નીકોબાર અને જમ્મૂ કાશ્મીરે વર્ષના અંત સુધીમાં આમ કરવાનું વચન આપ્યું છે. નોટબંધીની ટીકા કરનાર પશ્ચિમ બંગાળે પણ જૂન સુધીમાં કેશલેસ સિસ્ટમ ચાલુ કરવા માટે સમહતી દર્શાવી છે.

પાસવાને કહ્યું કે, હાલમાં અંદાજે 5.27 લાખ રાશનની દુકાનોમાંથી અંદાજે 29,000 દુકાનો પર ડિજિટલ પેમેન્ટની સુવિધા ઉપલબ્ધ છે. અમને એ વાતનો આનંદ છે કે અનેક રાજ્યમાં માર્ચ સુધી રાશનની દુકાનોમાં 100 ટકા કેશલેસ સિસ્ટમ આવી જશે. તેમણે કહ્યું કે, આંધ્ર પ્રદેશ, ગુજરાત, કર્ણાટક, રાજસ્થાન, તમિલનાડુ, દિલ્હી અને મહારાષ્ટ્ર રાજ્યોએ પોતાની રાશનની દુકાનોમાં માર્ચ સુધી ડિજિટલ પેમેન્ટ સિસ્ટમ શરૂ કરવાનું વચન આપ્યું છે. મોટાભાગના રાજ્યોમાં જૂન સુધીમાં ડિજિટલ પેમેન્ટ સિસ્ટમ શરૂ થઈ જશે.