ભારતીય નૌસેનામાં સામેલ થઈ સ્કોર્પીન શ્રેણીની ત્રીજી સબમરીન INS ‘કરંજ’

આ સબમરીન દરેક વોરફેર, એન્ટી સબમરીન અને ઈન્ટેલિજન્સ ઉપરાંત જમીન પર પણ સરળતાથી હુમલો કરી શકે છે. સબમરીનમાં ઓક્સિજન પુરો થઈ જાય તેવી સ્થિતિમાં આમાં ઓક્સિજન બનાવવાની પણ ક્ષમતા છે. આ કારણે આમાં લાંબા સમય સુધી પાણીમાં રહી શકે છે.

આઈએનએસ કરંજ લંબાઈ 67.5 મીટર, ઉંચાઈ 12.3 મીટર અને વજન 1565 ટન છે. કરંજ દુશ્મનોના જહાજને શોધીને નિશાનો સાધવામાં સક્ષમ છે. કરંજ કોઈપણ રડારની પકડમાં નહીં આવશે. આ એની સૌથી મોટી ખાસિયત છે. ચીનની નેવી હિંદ મહાસાગરમાં સક્રિયતા વધી રહી છે તેવી સ્થિતિમાં કરંજ ઈન્ડિયન નેવીની જરૂરિયાત બની ગઈ છે. કરંજને મેક ઈન ઈન્ડિયાના કોન્સેપ્ટ પર તૈયાર કરવામાં આવી છે. તેને ફ્રાંસની ટેક્નીક પર બનાવવામાં આવી છે.