દેશમાં બનેલા પ્રથમ ફાઈટર વિમાન તેજસને નેવીએ કર્યું રિજેક્ટ, જાણો કેમ

નૌસેનાએ રશિયાથી ખરીદવામાં આવેલાં ‘મિગ-29k’ યુદ્ધક વિમાનોમાંથી 30ને નેવીમાં સામેલ કર્યાં છે. મિગ-29k અને તેજસના આઈએનએસ વિક્રમ આદિત્ય અને 2019-20 સુધી તૈયાર થનાર આઈએનએસ વિક્રાંતથી સંચાલન કરાવવાની વાત કરાઈ હતી. નૌસેના પ્રમુખ એડમિરલ સુનીલ લાંબાએ જણાવ્યું કે નૌસેના એક વૈકલ્પિક વિમાનને લઈને વચાર કરી રહ્યું છે. તેને કહ્યું કે જ્યાં સુધી વિમાન વાહક જહાજ આધારિત વિમાનની વાત છે તો અમારે તેને સામેલ કરવામાં સમય લાગશે.

નવી દિલ્હી: ભારતીય નૌસેનાએ સ્વદેશી લડાકુ વિમાન તેજસના નેવી વર્ઝનને રિજેક્ટ કરી દીધું છે. નૌસેનાનું કહેવું છે કે ‘ઓવરવેઇટ’ હોવાના કારણે આ ફ્લાઈટ એરક્રાફ્ટને ઓપરેટ કરવામાં સમસ્યા આવી રહી છે. નૌસેનાએ આગામી 5-6 વર્ષોમાં તેનો વિકલ્પ શોધી લેવાની કવાયત પણ શરૂ કરી દીધી છે.

નૌસેના પ્રમુખ એડમિરલ સુનીલ લાંબાએ જણાવ્યું કે ડીઆડીઓ, હિન્દુસ્તાન એરોનોટિકસ અને એરોનોટિક્સ ડેવલોપમેન્ટ એજન્સીને સપોર્ટ કરતા રહેશે. તેમણે જણાવ્યું કે તેજસ નેવીની જરૂરિયાતોને પૂરી કરી શકતું નથી. નૌસેના પ્રમુખે સ્વદેશી હળવા લડાકુ વિમાન તેજસને પોતાના વિમાન વાહક જહાજો પર તહેનાત કરવાની શક્યતાને ફગાવી દીધી છે. નૌસેનાના જણાવ્યા મુજબ સિંગલ એન્જિન વાયુ તેજસ ખૂબ જ ભારે છે. આવા સંજોગોમાં આ એરક્રાફ્ટ કેરિયર-ડેટથી ફૂલ ટેન્ક, ઇંધણ અને શસ્ત્રો સાથે ઉડાણ ભરવાની જરૂરિયાતોને પૂરી નહીં કરી શકે.