બેંગલુરુઃ કોંગ્રેસના ધારાસભ્યો રોકાયા છે તે રિસોર્ટમાં આઇટીના દરોડા

નોંધનીય છે કે, આગામી આઠમી ઓગસ્ટે ગુજરાતમાં રાજ્યસભાની ચૂંટણી છે, ત્યારે કોંગ્રેસના ધારાસભ્યો રાજીનામા ન આપે અને ભાજપ હોર્સ ટ્રેડિંગ ન કરે તેવા આશય સાથે તેમને બેંગલુરુની આ રિસોર્ટમાં રાખવામાં આવ્યા છે. ગુજરાત કોંગ્રેસના 40થી વધુ ધારાસભ્યોને અહીં લાવવામાં આવ્યા છે. સવારે 7 વાગ્યાથી ITની તપાસ શરૂ છે.

ઇગલટન ગોલ્ફ રિસોર્ટ બેંગલુરૂથી 30 કિલોમીટર દૂર મૈસૂર હાઇવે પર આવેલો છે. રિસોર્ટમાં 2 રોયલ ક્લબ શ્યૂટ, 3 ક્લબ શ્યૂટ, 42 એક્ઝિક્યૂટિવ્સ અને 60 ડિલક્સ રૂમ્સ છે. આ રિસોર્ટમાં સ્વિમિંગ પુલ, ગોલ્ફ કોર્સ, મિનીબાર, વાઇ-ફાઇ, રૂમ્સમાં એસી, મલ્ટી ચેનલ ટીવી જેવી સુવિધા છે. આ ઉપરાંત રિસોર્ટમાં સ્પા, કોન્ફરન્સ હોલ, રેસ્ટોરન્ટ, જીમ, ઇન્ડોર અને આઉટડોર ગેસ્સની પણ સુવિધાઓ છે.

બેંગલુરુઃ ઈન્કમટેક્સ ડિપાર્ટમેન્ટે ગુજરાત કોંગ્રેસના ધારાસભ્યો જે રિસોર્ટમાં રોકાયા છે, ત્યાં દરોડા પાડ્યા છે. કર્ણાટકના ઊર્જા મંત્રી ડીકે શિવકુમાર ઈગલટન રિસોર્ટના હોસ્પિટાલિટી ઈન્ચાર્જ છે. આ સાથે તેમના કનકપુરા અને સદાશિવનગરમાં આવેલા નિવાસ સ્થાન પર પણ દરોડા પાડવામાં આવ્યા છે.