બિહારમાં JDU-BJPની બેઠકોની ફોર્મૂલા નક્કી, બરાબર બેઠકો પર લડશે ચૂંટણી

સીએમ નીતીશ કુમારે કહ્યું કે સીટોની વહેચણી પર સહમતિ થઈ છે. જેડીયૂ અને ભાજપ બરાબરની સીટો પર લડશે. બે-ત્રણ દિવસમાં સીટોની સંખ્યા જાહેર કરવામાં આવશે. ઉલ્લેખનીય છે કે બિહારમાં લોકસભાની કુલ 40 સીટો છે.

અમિત શાહે કહ્યું કે બિહારમાં એનડીએ પાછલી ચૂંટણી કરતા આ વખતે વધારે સીટો જીતશે. બિહારમાં ભાજપ, જેડીયુ, એલજેપી અને આરએલએસપી સાથે લડશે. અમિત શાહે કહ્યું કઈ પાર્ટી ક્યાંથી ચૂંટણી લડશે તે બિહારનું યૂનિટ નક્કી કરશે. તેમણે કહ્યું કે તમામ પાર્ટીઓ આ વાત પર સહમત છે કે એકજૂથ થઈને ચૂંટણી લડવું જોઈએ.