મધ્ય પ્રદેશના ઇંદોરમાં હાથમાં બંદૂક લઈ ટમેટાની ચોકીદારી કરી રહ્યા છે સુરક્ષા ગાર્ડ

ટમેટાના ભાવ ઉછળી રહ્યા છે. 5થી 10 રૂપિયે કિલો વેચાતા ટમેટા હવે જથ્થાબંધ બજારમાં 65 રૂપિયા અને સામાન્ય લોકોની થાળી સુધી પહોંચતા 100 રૂપિયા કિલોએ પહોંચી જાય છે. હવે જ્યારે ટમેટાના ભાવ એટલા બધા વધી ગયા છે કે હવે તેના માટે સુરક્ષા રાખવી પડી રહી છે.

શાકભાજી વેપારીઓનું કહેવું છે કે, ચાલુ વર્ષે ટમેટાનું ઉત્પાદન ઓછું થયું છે. ઇંદોરના ચોઈથરામ માર્કેટમાં એક મહિના પહેલા સુધી 6થી 7 હજાર કેરેટ ટમેટા દરરોજ આવતા હતા પરંતુ હવે અહીં માત્ર 1200 કેરેટ ટમેટા જ દરરોજ આવી રહ્યા છે.