17 વર્ષ પછી ભારતની માનુષી છિલ્લરે જીત્યો મિસ વર્લ્ડ 2017નો એવોર્ડ

નવી દિલ્લી: જેનો આતુરતાથી દેશ રાહ જોતો હતો તે મિસ વર્લ્ડની ફાઇનલ સ્પર્ધાનું રિઝલ્ટ આવી ગયું છે. ચીનના સનાયામાં યોજાયેલી આ મિસ વર્લ્ડ સ્પર્ધામાં ભારતની મિસ ઇન્ડિયા માનુષી છિલ્લરને મિસ વર્લ્ડ 2017 જાહેર કરવામાં આવી હતી.

હવે 17 વર્ષ પછી માનુષી છિલ્લર મિસ વર્લ્ડ બની છે.

17 વર્ષ પછી ભારતના શિરે મિસ વર્લ્ડનો તાજ આવ્યો હતો. ભારત માટે 1966માં રિટા ફારિયાએ પહેલીવાર મિસ વર્લ્ડનો ખિતાબ જીત્યો હતો. આ પછી 1994માં ઐશ્વર્યા રાય, 1997માં ડાયના હેડન, 1999માં યુક્તા મુખી અને 2000માં પ્રિયંકા ચોપરાએ આ ખિતાબ પોતાના નામે કર્યો હતો.

આ સ્પર્ધામાં દુનિયાભરમાંથી 118 સુંદરીઓએ ભાગ લીધો હતો. જેમાંથી ભારતની માનુષી છિલ્લરે વિશ્વસુંદરીનો તાજ જીત્યો હતો.