ચીન સાથે બોર્ડર મુદ્દે થશે વાત, ડોકલામ વિવાદ બાદ પ્રથમવાર મળશે બંને દેશોના NSA

ચીન સતત પાકિસ્તાનના સમર્થનમાં અવાજ ઉઠાવતું રહ્યું છે. ચીન PoKમાં CPECનું નિર્માણ કરી રહ્યું છે. ભારત આનો લાંબા સમયથી વિરોધ કરી રહ્યું છે. ભારતનું કહેવું છે કે PoK ભારતનો હિસ્સો છે અને પાકિસ્તાને તેના પર ગેરકાયદેસર રીતે કબજો કરી દીધો છે.

ભારત ચીન વચ્ચે ચાલતા સીમા વિવાદને ઉકેલવાનો શ્રેય અજીત ડોભાલને જાય છે. ડોભાલે 27 જુલાઈના રોજ બેઇજિંગમાં ચીનના સ્ટેટ કાઉન્સિલર યાંગ જિએચી સાથે આ મુદ્દે વાત કરી હતી. અહેવાલો મુજબ બંને વચ્ચે ઉગ્ર ભાષામાં વાતચીત થઈ હતી. યાંગે ડોકલામ મુદ્દે ડોભાલને સવાલ કર્યો હતો કે, શું આ તમારી જગ્યા છે? જેના જવાબ ડોભાલે તેમના અંદાજમાં આપતાં કહ્યું કે, શું દરેક વિવાદિત વિસ્તાર ચીનનો થઈ જાય છે?