ચંદીગઢ: સ્વતંત્રતા દિવસની ઉજવણી કરી ઘરે પાછી ફરી રહેલી વિદ્યાર્થીની સાથે રેપ

નવી દિલ્લી: સ્વતંત્રતા દિવસની ઉજવણી વચ્ચે ચંદીગઢમાં એક એવી ઘટના બની છે, જેને સાંભળીને તમે અચંપામાં મૂકાઈ જશો. 8મા ધોરણમાં ભણતી એક વિદ્યાર્થીની સાથે રેપની ઘટના બની હતી. પીડિતા પોતાના સ્રૂલમાં સ્વતંત્રતા દિવસના સમારોહ પૂરો કરી ઘરે જઈ રહી હતી. પીડિતાની ફરિયાદ પછી પોલીસે આ મામલાની તપાસ શરૂ કરી દીધી છે.

પોલીસના મતે, પીડિતાના નિવેદનના આધારે હાલ આ મામલાની તપાસ શરૂ કરવામાં આવી છે. પીડિતાને મેડિકલ તપાસ માટે હોસ્પિટલ મોકલવામાં આવી છે. આરોપી ઘટના પછી ફરાર છે. હાલ પોલીસ તેની તપાસ કરી રહી છે.

ઘટનાની મળતી માહિતી પ્રમાણે, આ ઘટના ચંદીગઢ સેક્ટર-23માં બની હતી. અહીં એક સરકારી સ્કૂલમાં ભણતી એક વિદ્યાર્થીની સ્વતંત્રતા દિવસની ઉજવણી કરીને ઘરે પાછી ફરી રહી હતી, ત્યારે રસ્તામાં આરોપી વિદ્યાર્થીએ વિદ્યાર્થીનીનું અપહરણ કર્યું હતું અને તેને પાસે આવેલા ચિલ્ડ્રન પાર્કમાં લઈ જઈને તેની સાથે રેપ કર્યો હતો. આરોપીના ચુંગલમાંથી છૂટીને વિદ્યાર્થીની ગમે તેમ કરીને પોતાના ઘરે પહોંચી હતી અને પરિવારજનોને પોતાની સાથે બનેલી ઘટના જણાવી હતી.