ચોમાસાનું બે દિવસ પહેલા જ કેરળ અને ઉત્તર-પૂર્વમાં આગમન, ખેતી માટે સકારાત્મક

નવી દિલ્હીઃ દક્ષિણ પશ્ચિમ મોનસૂનનું ભારતીય ઉપમહાદ્વીમાં આગમન થઈ ગયું છે. મંગળવારે મોનસૂન કેરળ અને ઉત્તર પશ્ચિમમાં પહોંચી ગયું. આ વખતે મોનસૂન સમયથી બે દિવસ વહેલા કેરળ પહોંચ્યું છે. ભારતીય હવામાન વિભાગના ડાયરેક્ટર જનરલ કેજે રમેશે જણાવ્યું કે, આ વખતે મોનસૂન માત્ર કેરળ જ નહીં પરંતુ ઊત્તર પૂર્વમાં પણ સમયથી પહેલા પહોંચી ગયું છે, જે ખેતીની દૃષ્ટિએ ખૂબજ સકારાત્મક છે.

IMD (ઇન્ડિયન મેટ્રોલોજીકલ ડિપાર્ટમેન્ટ)ના ડિરેક્ટર જનરલ કે જે રમેશના જણાવ્યા પ્રમાણે સાઇક્લોન 'મોરા'ને કારણે સિઝનલ વરસાદમાં ફાયદો થયો છે. કેરળમાં ચોમાસાના વિધિવત આગમનની ઓફિશિયલ તારીખ પહેલી જૂન હતી. આ વર્ષે દેશમાં નિર્ધારિત તારીખના બે દિવસ પહેલા જ ચોમાસાનું આગમન થયું છે.