પાંચ રાજ્યોની ચૂંટણીમાં નસીબના બળિયા આ ઉમેદવારો 500 કરતાં ઓછા મતે જીત્યા, જાણો વિગત

તેલંગાણામાં અસિફાબાદ સીટ પરથી કોંગ્રેસના અથરામ સક્કુનો 171 મતથી વિજય થયો હતો. તેમણે ટીઆરએશના કોવા લક્ષ્મીને હાર આપી હતી. કોંગ્રેસના ઉમેદવારને 65788 અને ટીઆરએસના ઉમેદવારને 65617 મત મળ્યા હતા. ત્રીજા ક્રમે રહેલા ભાજપના ઉમેદવારને 6711 વોટ મળ્યા હતા.

તેલંગાણાની ધામત્રી સીટ પરથી ભાજપના રંજના દિપેન્દ્ર સાહુનો 464 મતથી વિજય થયો હતો. વિજેતા ઉમેદવારને 63198 જ્યારે કોંગ્રેસના હારેલા ઉમેદવાર ગુરુમુખ સિંહ હોરાને 62734 મત મળ્યા હતા. 2013માં આ સીટ પરથી કોંગ્રેસના ગુરુમુખ સિંહ મોરા 10,500 મતથી જીત્યા હતા.

તેલંગાણામાં ઈબ્રાહિમપટનમ બેઠક પરથી ટીઆરએસના મનચીરેડ્ડી કિશનરેડ્ડીનો 376 મતથી વિજય થયો હતો. તેમણે બીએસપીના મલરેડ્ડી રંગરેડ્ડીને હાર આપી હતી. વિજેતા ઉમેદવારને 72581 અને હારેલા ઉમેદવારને 72205 મત મળ્યા હતા. ત્રીજા ક્રમે રહેલી તેલુગુ દેશમને 18053 મત મળ્યા હતા.

તેલંગાણામાં ધરમપુરી બેઠક પરથી ટીઆરએસના ઈશ્વર કોપુલ્લાએ કોંગ્રેસના લક્ષ્મણ કુમારને 441 મતથી હાર આપી હતી. ટીઆરએસના વિજેતા ઉમેદવારને 70579 અને કોંગ્રેસના હારેલા ઉમેદવારને 70138 મત મળ્યા હતા. ત્રીજા ક્રમે રહેલા અપક્ષ ઉમેદવારને 13114 વોટ મળ્યા હતા. નોટાને 2600 લોકોએ મત આપ્યા હતા.

રાજસ્થાનની મારવાડ જંકશન સીટ પરથી અપક્ષ ઉમેદવાર ખુશવીર સિંહે ભાજપના કેસારામ ચૌધરીને 251 વોટથી હાર આપી હતી. 2013માં ભાજપના કેસારામનો 13653 વોટથી વિજય થયો હતો. ખુશવીર સિંહને 58921 અને કેસારામ ચૌધરીને 58670 મત મળ્યા હતા. ત્રીજા ક્રમે રહેલા કોંગ્રેસના જેસારામ રાઠોડને 21037 મત મળ્યા હતા.

મધ્યપ્રદેશમાં ગ્વાલિયર સાઉથની સીટ પરથી કોંગ્રેસના પ્રવિણ પાઠકનો 121 વોટથી વિજય થયો હતો. ભાજપના હારેલા ઉમેદવાર નારાયણ સિંહ કુશવાહને 56248 અને કોંગ્રેસના વિજેતા ઉમેદવારને 56369 મત મળ્યા હતા. નોટાને 1550 વોટ મળ્યા હતા. 2013માં ભાજપના નારાયણ સિંહ કુશવાહનો 16267 મતથી વિજય થયો હતો.

મધ્યપ્રદેશમાં સુવારસરા સીટ પરથી કોંગ્રેસના ડાંગ હરદીપસિંહ 350 મતથી વિજેતા બન્યા હતા. તેમણે ભાજપના રાધેશ્યામ નંદલાલ પાટીદારને હાર આપી હતી. કોંગ્રેસના ઉમેદવારને 93169 અને ભાજપના ઉમેદવારને 92819 મત મળ્યા હતા. ત્રીજા નંબરે રહેલા અપક્ષને 10273 અને નોટાને 2976 વોટ મળ્યા હતા. 2013માં હરદીપસિંહની 7125 મતથી જીત થઈ હતી.

મિઝોરમમાં સેરચિપ સીટ પરથી અપક્ષ ઉમેદવાર લાડુમોહા 410 મતથી વિજેતા બન્યા હતા. તેણે કોંગ્રેસના લાલમચ્છુનાને હાર આપી હતી. વિજેતા અપક્ષ ઉમેદવારને 5481 અને કોંગ્રેસના ઉમેદવારને 5071 મત મળ્યા હતા. ત્રીજા ક્રમે રહેલા એનએનએફના ઉમેદવારને 4313 મત મળ્યા હતા. મિઝોરમની તાવી સીટ પરથી એમએનએફના આર. લાઝિરલનાનો 184 મતથી વિજય થયો હતો. તેમણે બીજા ક્રમે રહેલા અપક્ષ ઉમેદવાર આર. લાલથિલુંગાનાને હાર આપી હતી. વિજેતા ઉમેદવારને 4940 અને અપક્ષ ઉમેદવારને 4756 વોટ મળ્યા હતા. ત્રીજા નંબરે રહેલા કોંગ્રેસના ઉમેદવારને 2630 મત મળ્યા હતા.

મિઝોરમમાં મામિત સીટ પરથી એમએનએફના એચ.લાલઝિરલાનાનો 407 મતથી વિજય થયો હતો. તેમણે કોંગ્રેસના જ્હોન રોતલુંગાલિનાને હાર આપી હતી. વિજેતા એમએનએફ ઉમેદવારને 6867 અને કોંગ્રેસના જ્હોનને 6467 મત મળ્યા હતા. ત્રીજા નંબર પર રહેલા બીજેપીના ઉમેદવારને 4528 વોટ મળ્યા હતા. મિઝોરમની Tuivawl સીટ પરથી એમએનએફના લાલચંદમા રાલ્ટેનો માત્ર 3 મતથી વિજય થયો હતો. તેમણે કોંગ્રેસના આર.એલ. પિયાનમીવાને હાર આપી હતી. એમએનએફના વિજેતા ઉમેદવારને 5207 અને કોંગ્રેસના હારેલા ઉમેદવારને 5204 વોટ મળ્યા હતા. ત્રીજા નંબરે રહેલા ભાજપના ઉમેદવારને 1607 મત મળ્યા હતા.

મિઝોરમમાં Lunglei West સીટ પરથી એમએનએફના ઉમેદવાર સી. લાલરિંન્સંગાનો 77 વોટથી વિજય થયો હતો. તેમણે કોંગ્રેસના ઉમેદવાર ચાલરોસંગા રાલ્ટેને હાર આપી હતી. એમએનએફના ઉમેદવારને 4093 અને કોંગ્રેસના ઉમેદવારને 4016 મત મળ્યા હતા. ત્રીજા નંબર પર રહેલા અપક્ષ ઉમેદવારને 3587 મત મળ્યા હતા.

મિઝોરમમાં Lunglei East સીટ પરથી એમએનએફના ઉમેદવાર લાવામ્વા ટોચિંગનો 72 વોટથી વિજય થયો હતો. તેમણે અપક્ષ ઉમેદવાર લાલરિનપુને હાર આપી હતી. એમએનએફના ઉમેદવારને 4063 અને અપક્ષ ઉમેદવારને 3991 મત મળ્યા હતા. ત્રીજા નંબર પર રહેલા કોંગ્રેસના ઉમેદવાર 3836 મત મળ્યા હતા.

મિઝોરમમાં કોલાસિબ સીટ પરથી એમએનએફના કે. લાલરિનલિયનાનો 279 મતથી વિજય થયો હતો. તેમણે અપક્ષ ઉમેદવાર લાલફામકિમાને હાર આપી હતી. વિજેતા ઉમેદવારને 5940 અને હારેલા અપક્ષ ઉમેદવારને 5661 મત મળ્યા હતા. ત્રીજા ક્રમે રહેલા કોંગ્રેસના ઉમેદવારને 5232 મત મળ્યા હતા.

મિઝોરમમાં હાચેક સીટ પરથી કોંગ્રેસના લાલરિંડિંકા રાલ્ટેનો 366 મતથી વિજય થયો હતો. તેમણે એમએનએફના લાલરિંગા સાયલોને હાર આપી હતી. કોંગ્રેસના ઉમેદવારને 6202 અને એમએનએફને 5836 મત મળ્યા હતા. ત્રીજા ક્રમે રહેલા ભાજપના ઉમેદવારને 4399 મત મળ્યા હતા.

મિઝોરમમાં અઝવાલ સાઉથ-ii બેઠક પરથી અપક્ષ ઉમેદવાર લાલચુંગથાંગાનો 179 મતથી વિજય થયો હતો. તેમણે એમએનએફના ઉમેદવાર દેનગામથાંગાને હાર આપી હતી. વિજેતા અપક્ષ ઉમેદવારને 7294 અને એમએનએફના ઉમેદવારને 7115 મત મળ્યા હતાં.

મિઝોરમમાં અઝવાલ નોર્થ-iii સીટ પરથી MNFના સી લાલમુનપુઆનો 434 મતથી વિજય થયો હતો. તેમણે કોંગ્રેસના લાલ થેન્ઝરાને હાર આપી હતી. વિજેતા ઉમેદવારને 5166 અને પરાજિત ઉમેદવારને 4732 મત મળ્યા હતા. જ્યારે ત્રીજા નંબરે રહેલા અપક્ષને 4510 મત મળ્યા હતા. 2013માં લાલ થેન્ઝરાનો 750 મતથી વિજય થયો હતો.

રાજસ્થાનની અસિંદ સીટ પરથી ભારતીય જનતા પાર્ટીના જબ્બર સિંહ સાંખલાની 154 વોટથી જીત થઈ હતી. જે રાજસ્થાન વિધાનસભા ચૂંટણીમાં કોઈપણ ઉમેદવારનો સૌથી ઓછા વોટ અંતરથી થયેલો વિજય છે. ભાજપના ઉમેદવારને 70249 અને કોંગ્રેસના મનીષ મેવાડાને 70095 વોટ મળ્યા હતા. ત્રીજા નંબર પર રહેલા રાષ્ટ્રીય લોકતાંત્રિક પાર્ટીના મનસુખ સિંહને 42070 વોટ મળ્યા હતા. નોટાને 2943 મત મળ્યા હતા.

રાજસ્થાનની પિલીબંગા સીટ પરથી ભાજપના ઉમેદવાર ધર્મેન્દ્ર કુમારનો 278 વોટથી વિજય થયો હતો. કોંગ્રેસના હારેલા ઉમેદવારને 106136 જ્યારે ભાજપના વિજેતા ઉમેદવારને 106414 મત મળ્યા હતા. ત્રીજી નંબરે રહેલા બીએસપીના સુશીલ કુમારને 3523 મત મળ્યા હતા. નોટાને 2013માં ભાજપના ઉમેદવાદ દ્રોપતીનો 10198 વોટથી વિજય થયો હતો. નોટાને 2441 લોકોએ મત આપ્યો હતો.

નવી દિલ્હીઃ દેશમાં યોજાયેલી પાંચ રાજ્યોની ચૂંટણીનું પરિણામ આવી ગયું છે. છત્તીસગઢ, રાજસ્થાન અને છેલ્લે મધ્યપ્રદેશમાં કોંગ્રેસ સત્તા પર વાપસી કરી છે. તો તેલંગણા અને મિજોરમમાં ભાજપ-કોંગ્રેસ સિવાયની પાર્ટી સત્તા પર આવી છે. જોકે પાંચેય રાજ્યમાં ઘણા ઉમેદવારો 500 કરતાં ઓછા મતે જીત્યા છે.