સાવધાન! આધાર કાર્ડની જાણકારી એકત્ર કરતી આ 8 વેબસાઈટ છે નકલી, UIDAIએ નોંધાવી FIR

પાંડેએ જણાવ્યું કે, UIDAI આવી સાઈટની વિરૂદ્ધ કડક કાર્રવાઈ કરવાનું ચાલુ રાખશે. તેમણે લોકોને કહ્યું કે, તે આધાર સંબંધિત કોઈપણ સેવા માટે UIDAIની સત્તાવાર વેબસાઈટ (https://uidai.gov.in/)નો ઉપયોગ કરે.

UIDAIના સીઈઓ અજય ભૂષણ પાંડેએ જણાવ્યું કે, કેટલીક અનધિકૃત વેબસાઈટો બંધ કરવાના આદેશ બાદ નવી વેબસાઈટ બનાવી છે. આ અંગે અમે એવી વેબસાઈટો વિરૂદ્ધ ફરિયાદ નોંધાવી છે. UIDAI અનુસાર અનધિકૃત સેવાઓ આપતી આ વેબસાઈટો અને કંપનીઓનું આચરણ ઇન્ફોર્મેશન એક્ટ 2000, આધાર એક્ટ 2016ની કલમ 38 અને ભારતીય દંડ સંહિતાની કલમ 409 (વિશ્વાસભંગ) અને કલમ 420 (છેતરપિંડી) બરાબર છે.