UP પેટાચૂંટણી પરિણામઃ ગોરખપુર અને ફૂલપુરમાં ભાજપ હાર તરફ, SP-BSPમાં જશ્ન

ગોરખપુરથી યોગી આદિત્યનાથ સતત પાંચમી વખત જીતીને સાંસદ બન્યા હતા. યોગીને 5 લાખ 39 હજાર અને બીજા સ્થાન પર રહેલા એસપીના રાજમતિ નિષાદને 2 લાખ 26 હજાર વોટ મળ્યા હતા. 2014માં ફૂલપુર સીટ પરથી કેશવ પ્રસાદ મૌર્યને 5 લાખથી વધારે વોટ મળ્યા હતા. જ્યારે તેમના પ્રતિસ્પર્ધી એસપી ઉમેદવાર ધર્મરાજ પટેલને માત્ર 1 લાખ 95 હજાર વોટ મળ્યા હતા.

આ ચૂંટણી પરિણામો યુપીમાં સમાજવાદી પાર્ટી અને બહુજન સમાજ પાર્ટીના ગઠબંધનની પણ પરીક્ષા છે. માયાવતીએ અખિલેશની પાર્ટીને આડકતરી રીતે સપોર્ટ કર્યો છે. જો બંને સીટો પર આ પરીક્ષણ સફળ થશે તો 2019માં અહીં બંને પાર્ટીઓ ગઠબંધન પર વિચાર કરી શકે છે.