રાજ બબ્બરે યુપી કોંગ્રેસ અધ્યક્ષ પદેથી આપ્યું રાજીનામું, જાણો શું કહ્યું

એક અખબાર સાથે વાતચીતમાં રાજ બબ્બરે કહ્યું કે, મને વિશેષ જવાબદારી સોંપીને અહીં મોકલવામાં આવ્યો હતો. હું જેટલું કામ કરી શકતો હતો તેટલું કર્યું. અમુક કામ સારું થયું હશે તો અમુક ખરાબ. હવે પાર્ટી લીડરશિપ તેનું મૂલ્યાંકન કરશે.

નવી દિલ્હીઃ ફિલ્મ અભિનેતા અને કોંગ્રેસના દિગ્ગજ નેતા રાજ બબ્બરે ઉત્તર પ્રદેશ કોંગ્રેસ અધ્યક્ષ પદેથી રાજીનામું આપી દીધું છે. જોકે તેમના રાજીનામાનો સ્વીકાર કરવામાં આવ્યો નથી.

રાજ બબ્બરને 2017માં યુપી વિધાસનસભા ચૂંટણી વખતે કોંગ્રેસ પ્રદેશ અધ્યક્ષ તરીકે જવાબદારી સોંપવામાં આવી હતી. હવે અહીં કોંગ્રેસ કોઇ બ્રાહ્મણ ચેહરાને ઉતારશે તેવી અટકળો છે.

ગુજરાત પ્રદેશ કોંગ્રેસ સમિતિ (જીપીસીસી)ના અધ્યક્ષ ભરત સિંહ સોલંકીએ તેમના પદ પરથી રાજીનામું આપી દીધું હોવાની અફવા ફેલાઈ હતી. રાજ્યસભા ચૂંટણીમાં ટિકિટ નહીં આપવાથી ભરત સિંહ નારાજ હોવાની અટકળ લગાવવામાં આવતી હતી.