ભારે વરસાદને લઈને રેડ એલર્ટ, આ શહેરમાં પડશે મુશળધાર વરસાદ

હવામાન વિભાગ અનુસાર મંગળવાર અને બુધવારે ગુજરાતના અનેક વિસ્તારમાં સહિત મહારાષ્ટ્રના તટીય વિસ્તાર અને મુંબઈમાં ભારે વરસાદને લઈને રેડ એલર્ટ જારી કરવામાં આવ્યું છે. ઉપરાંત ઉત્તરાખંડ અને પૂર્વ રાજસ્થાન માટે બુધવાર માટે ઓરેન્જ એલર્ટ જારી કરવામાં આવ્યું છે.

નવી દિલ્હીઃ થોડા દિવસ સુધી વરસાદના વીરામ બાદ ફરી ગુજરાત સહિત અનેક રાજ્યમાં મેઘમહેર જોવા મળી છે. હવામાન વિભાગે પણ ભારે વરસાદને લઈને રેડ એલર્ટ જારી કર્યું છે. હવામાન વિભાગના તાજેતરના અહેવાલ અનુસાર રાજસ્થાન, મધ્ય પ્રદેશ, ગુજરાત, મુંબઈની સાથે મહારાષ્ટ્ર, ઉત્તર ભારતમાં પંજાબ, હરિયાણા, દિલ્હી, ઉત્તર પ્રદેશમાં ભારે વરસાદની આગાહી કરી છે.

હવામાન વિભાગ અનુસાર ગુરુવાર અને શુક્રવારે ઉત્તર ભારતના મોટાભાગના રાજ્યો એટલે કે હિમાચલ, ઉત્તરાખંડ, પંજાબ, હરિયાણા, દિલ્હી, ઉત્તર પ્રદેશમાં અનેક જગ્યાએ ભારેથી અતી ભારે વરસાદ થઈ શકે છે. ઉત્તર ભારતના આ તમામ રાજ્યોમાં પણ ઓરેન્જ એલર્ટ જારી કરવામાં આવ્યું છે.