સારા તેંડુલકરની ચમકતી ત્વચા પાછળનું શું છે રહસ્ય? પોતે જ કરી દીધો ખુલાસો
તાજેતરના એક ઇન્ટરવ્યુમાં સારા તેંડુલકરે તેની ત્વચા સંભાળની દિનચર્યા અને તેની ચમકતી ત્વચા પાછળનું રહસ્ય શેર કર્યું. તેણીએ ખુલાસો કર્યો કે તેની ત્વચા સંવેદનશીલ છે.
Sara Tendulkar Skincare: આજના સમયમાં સ્કિન કેર ઇન્ડસ્ટ્રી ઝડપથી બદલાઈ રહી છે. કે-બ્યુટી (K-beauty) ટ્રેન્ડ અને સોશિયલ મીડિયા ઇન્ફ્લુએન્સરના કારણે લોકો 'ગ્લાસ સ્કિન' મેળવવા માટે અલગ-અલગ પ્રોડક્ટ્સનો ઉપયોગ કરવા લાગ્યા છે. 8 થી 15 સ્ટેપ્સનું સ્કિન કેર રૂટિન હવે સામાન્ય બનતું જઈ રહ્યું છે. પરંતુ આ દરમિયાન કેટલાક લોકો એવા પણ છે જેઓ આ ટ્રેન્ડથી હટીને સાદગી અને સમજદારીથી પોતાની ત્વચાનું ધ્યાન રાખી રહ્યા છે. તે લોકોમાં સારા તેંડુલકર પણ એક છે. તાજેતરમાં આપેલા એક ઇન્ટરવ્યુમાં સારા તેંડુલકરે તેના સ્કિન કેર રૂટિન અને ગ્લોઇંગ સ્કિન પાછળનું સિક્રેટ શેર કર્યું છે. તેણે જણાવ્યું કે તેની સ્કિન સેન્સિટિવ અને એક્ને પ્રોન (ખીલ થવાની શક્યતાવાળી) છે, તેથી તે કોઈપણ પ્રોડક્ટનો ઉપયોગ વિચારી-સમજીને કરે છે.
સિમ્પલ રૂટિન પર ભરોસો કરે છે સારા
સારાનું કહેવું છે કે તે વધુ પડતી પ્રોડક્ટ્સ વાપરવાને બદલે બેઝિક સ્કિન કેર પર ધ્યાન આપે છે. તે જેન્ટલ ક્લીન્ઝર, હળવા મોઇશ્ચરાઇઝર અને એવા ઇન્ગ્રીડિયન્ટ્સ પસંદ કરે છે જે ત્વચાને નુકસાન પહોંચાડ્યા વગર તેને બેલેન્સ રાખે. તે પોતાની સ્કિનને હાઇડ્રેટ રાખવા અને સૂર્યના કિરણોથી બચાવવા પર ખાસ ધ્યાન આપે છે. સવારના સમયે તે એવી પ્રોડક્ટ્સનો ઉપયોગ કરે છે જે સ્કિનને પ્રોટેક્ટ કરે, જ્યારે રાત્રે સૂતા પહેલા મેકઅપ હટાવીને સ્કિનને સાફ રાખવી એ તેના રૂટિનનો મહત્વનો હિસ્સો છે. સારાનું માનવું છે કે પહેલા તેને લાગતું હતું કે વધુ પ્રોડક્ટ્સ વાપરવાથી જલ્દી રિઝલ્ટ મળશે, પરંતુ સમય જતાં તેણે સમજ્યું કે 'સ્કિન બેરિયર'ને સમજવું અને તેને સુરક્ષિત રાખવું વધુ જરૂરી છે. તેના મતે વારંવાર નવી પ્રોડક્ટ્સ ટ્રાય કરવાને બદલે એક સિમ્પલ અને કન્સિસ્ટન્ટ (નિયમિત) રૂટિન વધુ અસરકારક હોય છે.
PCOS એ શીખવી ત્વચાની સંભાળ
સારા તેંડુલકરે એ પણ જણાવ્યું કે તેને PCOS ની સમસ્યા રહી છે, જેના કારણે તેને ખીલ અને ઓઇલી સ્કિન જેવી મુશ્કેલીઓનો સામનો કરવો પડ્યો હતો. આ અનુભવે તેને સમજાવ્યું કે સ્કિન હેલ્થનો સીધો સંબંધ આંતરિક સ્વાસ્થ્ય સાથે હોય છે. સારા પોતાના ડાયટને લઈને પણ ઘણી સતર્ક રહે છે. તે પ્રોસેસ્ડ, ઓઇલી અને વધુ સુગરવાળા ખોરાકથી અંતર જાળવી રાખે છે. આ સિવાય સ્ટ્રેન્થ ટ્રેનિંગ, સારી ઊંઘ અને હાઇડ્રેશનને તે પોતાની સ્કિન માટે ખૂબ જ જરૂરી માને છે. તેનું માનવું છે કે સાચો ખાનપાન અને પાણીની પૂરતી માત્રા સ્કિન પર સ્પષ્ટ દેખાઈ આવે છે. આ ઉપરાંત સારા જણાવે છે કે જલ્દી રિઝલ્ટ મેળવવાની લાલચમાં ટ્રેન્ડ્સ પાછળ ભાગવાને બદલે ડોક્ટરની સલાહ લેવી જોઈએ. તે સાયન્સ બેઝ્ડ અને ક્લિનિકલી ટેસ્ટેડ પ્રોડક્ટ્સને પ્રાથમિકતા આપે છે, ખાસ કરીને તેની સેન્સિટિવ સ્કિન માટે.
ટોપ સ્ટોરી
ટ્રેન્ડિંગ સમાચાર
