અમદાવાદના મેયર બિજલ પટેલની તબિયત બગડી, ત્રણ દિવસથી બિમાર થતાં દવા લેવા જવું પડ્યું?

અમદાવાદમાં એક સાથે બે ઋતુનો અનુભવ થઈ રહ્યો હોવાથી વાયરલના કિસ્સાઓમાં વધારો થતો જોવા મળી રહ્યો છે. જેને પગલે અમદાવાદના મેયર બિજલ પટેલ વાયરલ ઈન્ફેક્શનનો ભોગ બન્યા હોય તેવું લાગી રહ્યું છે.

અમદાવાદઃ ગુજરાત સરકાર દ્વારા રાજ્યને 2022 સુધીમાં મેલેરિયા મુક્ત બનાવવા માટે ઝૂંબેશ ચલાવવામાં આવી રહી છે. જેને પગલે મ્યુનિસિપલ કોર્પોરેશનના હેલ્થ વિભાગ હેઠળ આવતાં મેલેરિયા વિભાગ દ્વારા અલગ-અલગ જગ્યાએ મચ્છરના બ્રિડીંગ શોધી અને મોટી મોટી સાઈટો અને હોસ્પિટલોને દંડ ફટકારવામાં આવી રહ્યો છે. જોકે આ ઝૂંબેશ વચ્ચે અમદાવાદના મેયર બિજલ પટેલને ડેંગ્યુ નહીં પણ વાયરલ ઈન્ફેક્શન થયું છે તેવું જાણવા મળ્યું છે. હાલ તબિયત સારી છે. ચોમાસું સક્રિય થયા પહેલાં જ અમદાવાદમાં રોગચાળો બેકાબૂ બન્યો હતો અને કોર્પોરેશન રોગચાળાને નાથવામાં નિષ્ફળ નિવડ્યું છે. અમદાવાદમાં એક સાથે બે ઋતુનો અનુભવ થઈ રહ્યો હોવાથી વાયરલના કિસ્સાઓમાં વધારો થતો જોવા મળી રહ્યો છે. જેને પગલે અમદાવાદના મેયર બિજલ પટેલ વાયરલ ઈન્ફેક્શનનો ભોગ બન્યા હોય તેવું લાગી રહ્યું છે.