Gujarat Rain: આગામી 3 કલાકમાં રાજ્યમાં આ વિસ્તારમાં ભારે વરસાદની આગાહી

Gujarat Rain: આજ 31મી ઓગસ્ટ 2025ના રોજ રાજ્યમાં વરસાદી માહોલ જોવા મળશે. હવામાન ખાતા દ્વારા સવારે બહાર પાડવામાં આવેલી આગાહી મુજબ, આગામી 3 કલાક માટે ગુજરાતના કેટલાક જિલ્લાઓમાં વરસાદની સંભાવના છે.

હવામાન વિભાગની આગાહી

Source : X

Gujarat Rain: આજ 31મી ઓગસ્ટ 2025ના રોજ રાજ્યમાં વરસાદી માહોલ જોવા મળશે. હવામાન ખાતા દ્વારા સવારે બહાર પાડવામાં આવેલી આગાહી મુજબ, આગામી 3 કલાક માટે ગુજરાતના કેટલાક જિલ્લાઓમાં વરસાદની સંભાવના છે.

ભારે વરસાદની આગાહી
દાહોદ, પંચમહાલ, મહીસાગર, અને સુરેન્દ્રનગર જિલ્લામાં છૂટાછવાયા સ્થળોએ 41 થી 61 kmphની ઝડપે પવન ફૂંકાઈ શકે છે. અહીં 15 mm/hr થી વધુ ભારે વરસાદ થવાની સંભાવના છે. આ વિસ્તારોમાં વીજળી પડવાની શક્યતા 60% થી વધુ છે. ભારે વરસાદને કારણે રસ્તાઓ બંધ થઈ શકે છે, નીચાણવાળા વિસ્તારોમાં પાણી ભરાઈ શકે છે, અને ટ્રાફિક જામ થઈ શકે છે. 

મધ્યમ વરસાદની આગાહી
બનાસકાંઠા, પાટણ, મહેસાણા, સાબરકાંઠા, અરવલ્લી, ગાંધીનગર, ખેડા, અમદાવાદ, આણંદ, બોટાદ, ભાવનગર, વડોદરા, છોટા ઉદેપુર, ભરૂચ, મોરબી, રાજકોટ, અમરેલી અને કચ્છ જિલ્લામાં છૂટાછવાયા સ્થળોએ 40 kmph કરતાં ઓછી ઝડપે પવન સાથે 5 થી 15 mm/hr નો મધ્યમ વરસાદની શક્યતા છે. અહીં વીજળી પડવાની સંભાવના 30 થી 60% છે. આ પ્રકારના વરસાદથી નીચાણવાળા વિસ્તારોમાં પાણી ભરાઈ શકે છે.

હળવો વરસાદ
જામનગર, દેવભૂમિ દ્વારકા, પોરબંદર, જૂનાગઢ, ગીર સોમનાથ, સુરત, નર્મદા, તાપી, ડાંગ, નવસારી, વલસાડ, દીવ, દમણ અને દાદરા અને નગર હવેલીમાં છૂટાછવાયા સ્થળોએ હળવો વરસાદ થવાની સંભાવના છે.

સરદાર સરોવર નર્મદા ડેમ અપડેટ

સવારે 7 કલાકના અપડેટ પ્રમાણે પાણીની આવકમાં ધરખમ ઘટાડો થતા 15 પૈકી 5 દરવાજા બંધ કરાયા છે. હાલ 10 દરવાજા 1.40 મીટર ખોલી 1,00,000 ક્યુસેક અને પાવરહાઉસ મારફતે 45,000 મળી નદીમાં 1,45,000 ક્યુસેક પાણી છોડાઈ રહ્યું છે.

18 જિલ્લામાં યલો એલર્ટ

ગુજરાતમાં ચોમાસું ફરી સક્રિય થતા આવતીકાલે, એટલે કે ૩૧મી ઓગસ્ટના રોજ રાજ્યના ૧૮ જિલ્લા અને કેન્દ્રશાસિત પ્રદેશોમાં છુટાછવાયા સ્થળોએ ભારે વરસાદની આગાહી સાથે યલો એલર્ટ જારી કરવામાં આવ્યું છે.

જે વિસ્તારોમાં ભારે વરસાદની આગાહી કરવામાં આવી છે તેમાં સાબરકાંઠા, મહેસાણા, ગાંધીનગર, અમદાવાદ, અરવલ્લી, ખેડા, મહીસાગર, આણંદ, પંચમહાલ, દાહોદ, વડોદરા, છોટાઉદેપુર, ભરૂચ, નર્મદા, સુરત, તાપી, નવસારી, ડાંગ, વલસાડ તેમજ દમણ અને દાદરા નગર હવેલીનો સમાવેશ થાય છે. હવામાન વિભાગના જણાવ્યા અનુસાર, અમદાવાદ અને તેની આસપાસના વિસ્તારોમાં ગાજવીજ સાથે મધ્યમથી ભારે વરસાદ થવાની શક્યતા છે. આથી, સંબંધિત તંત્ર અને લોકોને તકેદારી રાખવા માટે સૂચના આપવામાં આવી છે. હવામાન વિભાગ દ્વારા ગુજરાતમાં આગામી 7 દિવસ એટલે કે, 5 સપ્ટેમ્બર સુધી હળવાથી મધ્યમ વરસાદની આગાહી કરવામાં આવી છે. રાજ્યમાં બે સાયક્લોનિક સર્ક્યુલેશન સક્રિય થતાં કેટલાક વિસ્તારોમાં ભારે વરસાદ પણ પડી શકે છે.

આ પણ વાંચો

Gujraat Rain: ગુજરાતમાં આવતીકાલે ધોધમાર વરસાદની શક્યતા, 18 જિલ્લામાં યલો એલર્ટ

Heavy Rain in Halol: 10 ઈંચ વરસાદથી હાલોલમાં પૂર જેવી સ્થિતિ, SDRF ટીમો સ્ટેન્ડબાય પર