ફરી AMTS બસે સર્જ્યો અકસ્માત, બે યુવક ઘાયલ

અમદાવાદઃ શહેરમાં લોકોને ટ્રાંસપોર્ટની સેવા પુરી પાડતી AMTSની બસ અવારનવાર અકસ્માત સર્જીને લોકોના જીવને જોખમમાં મુકી રહી છે. થોડા દિવસ પહેલા પણ નહેરૂબ્રિજ પાસે AMTSની બસે અકસ્માત સર્જીને 2 લોકોના જીવ લીધા હતા. ત્યારે AMTSની બસે વધુ એક અકસ્માત સર્જ્યો હતો. શહેના હિમતલાલ પાર્ક પાસે AMTS બસનો અકસ્માત થયો હતો. આ અકસ્માતમાં AMTS બસે બે તરુણોને ટક્કર મારી હતી. તેમજ એક દિવાલમાં બસ ઘુસી ગઇ હતી. અકસ્માતમાં ઇજાગ્રસ્ત લોકોને હૉસ્પિટલમાં સારવાર ખસેડવામાં આવ્યા હતા.