8th Pay Commission: નવા ટેક્સ સ્લેબને કારણે 8માં પગાર પંચ પર થશે અસર? જાણો કોનો કેટલો પગાર વધશે

8th Pay Commission: 8મા પગાર પંચની જાહેરાત સાથે સરકારી કર્મચારીઓના પગારમાં વધારો થવાની આશા છે, ત્યારે નવા ટેક્સ સ્લેબની અસર શું થશે તે જાણવું પણ જરૂરી છે.

નવા ટેક્સ સ્લેબને કારણે 8માં પગાર પંચ પર થશે અસર?

Source : Pixabay

8th Pay Commission salary increase: 1 ફેબ્રુઆરી 2025 ના રોજ બજેટ રજૂ કરતી વખતે, નાણા પ્રધાન નિર્મલા સીતારમણે નવા ટેક્સ સ્લેબની જાહેરાત કરી, જે મુજબ હવે 12 લાખ રૂપિયા સુધીની વાર્ષિક આવક પર કોઈ ટેક્સ ભરવો પડશે નહીં. આ સિવાય 8મા પગાર પંચને પણ મંજૂરી આપવામાં આવી છે, જેના કારણે સરકારી કર્મચારીઓ અને પેન્શનધારકોના પગારમાં મોટો વધારો થવાની આશા છે.

હવે સવાલ એ ઊભો થાય છે કે બજેટમાં જાહેર કરાયેલા નવા ટેક્સ સ્લેબની 8મા પગાર પંચને પણ અસર થશે કે કેમ? જો તે થાય, તો તેની કેવા પ્રકારની અસર થશે?

ચાલો, પહેલા 8મા પગાર પંચની અસરને સમજીએ. 8મા પગાર પંચના અમલીકરણ સાથે સરકારી કર્મચારીઓના પગારમાં 108 ટકા સુધીનો વધારો થવાની સંભાવના છે. જો ફિટમેન્ટ ફેક્ટરને 1.92 થી વધારીને 2.08 કરવામાં આવે છે, તો ન્યૂનતમ બેઝિક સેલરી 18,000 રૂપિયાથી વધીને 37,440 રૂપિયા થઈ શકે છે. તે જ સમયે, જો ફિટમેન્ટ ફેક્ટર વધીને 2.86 થાય છે, તો આ રકમ 51,480 રૂપિયા સુધી જઈ શકે છે.

હવે વાત કરીએ નવા ટેક્સ સ્લેબની અસરની. જ્યારે કોઈપણ પગારપંચ લાગુ કરવામાં આવે છે, ત્યારે તેની અસર માત્ર સરકારી કર્મચારીઓ અને પેન્શનરોને થાય છે. પરંતુ, જ્યારે સરકાર ટેક્સ સ્લેબમાં ફેરફાર કરે છે, ત્યારે તેની અસર સમગ્ર દેશના લોકોને થાય છે. એટલે કે, જો નવા ટેક્સ સ્લેબમાં એવું કહેવામાં આવ્યું છે કે 12 લાખ રૂપિયા સુધીની આવક પર કોઈ ટેક્સ નહીં લાગે તો તે દરેકને લાગુ પડશે.

હવે 8મા પગાર પંચ પર તેની અસર શું થશે તે સમજીએ. 8મા પગારપંચને કારણે સરકારી કર્મચારીઓના પગાર અને ભથ્થામાં વધારો થશે અને જો તેમનો વધેલો પગાર 12 લાખ રૂપિયા થઈ જશે તો તેમને કોઈ ટેક્સ ચૂકવવો પડશે નહીં. પરંતુ, જો તેમનો પગાર રૂ. 12 લાખથી ઉપર જાય તો તેમણે નવા ટેક્સ સ્લેબ મુજબ ટેક્સ ચૂકવવો પડશે.

ટૂંકમાં, 8મા પગાર પંચ અને નવા ટેક્સ સ્લેબ બંનેની અસર સરકારી કર્મચારીઓના પગાર પર થશે. જો પગાર 12 લાખથી ઓછો હશે તો કોઈ ટેક્સ નહીં લાગે, પરંતુ જો વધુ હશે તો નવા ટેક્સ સ્લેબ મુજબ ટેક્સ ચૂકવવો પડશે.

આ પણ વાંચો....