8th Pay: 8માં પગાર પંચની તૈયારીઓ શરુ! આ તારીખથી લાગુ થાય તેવી શક્યતા, જાણો કેટલો વધશે પગાર 

અહેવાલો અનુસાર ફિટમેન્ટ ફેક્ટર 2.86% થઈ શકે છે, જે ગયા વખતે 2.57% હતું. જો આવું થાય છે તો કર્મચારીઓનો લઘુત્તમ પગાર 18000 રૂપિયાથી વધીને 51,480 રૂપિયા થઈ જશે.

પ્રતિકાત્મક તસવીર

Source : તસવીર સોશિયલ મીડિયા

કેંદ્ર સરકારે 8મા પગાર પંચને લીલી ઝંડી આપી દીધી છે અને એવી અપેક્ષા છે કે તે 1 જાન્યુઆરી 2026 થી લાગુ થઈ શકે છે. 8મા નાણા પંચમાં વધારાથી સરકારી કર્મચારીઓને મોટો ફાયદો થશે. અહેવાલો અનુસાર ફિટમેન્ટ ફેક્ટર 2.86% થઈ શકે છે, જે ગયા વખતે 2.57% હતું. જો આવું થાય છે તો કર્મચારીઓનો લઘુત્તમ પગાર 18000 રૂપિયાથી વધીને 51,480 રૂપિયા થઈ જશે.  પેન્શન પણ 9,000 રૂપિયાથી વધીને 25,740 રૂપિયા થઈ જશે. જેનાથી કર્મચારીઓને ઘણી રાહત મળશે.

પગારમાં આટલો વધારો થશે

આઠમા નાણા પંચના અમલ પછી અલગ અલગ ગ્રેડ પે ધરાવતા કર્મચારીઓને અલગ અલગ પગાર મળશે. ઉદાહરણ તરીકે જે કર્મચારીઓ હાલમાં ત્રીજા સ્તર પર 57,456 રૂપિયા પગાર મેળવે છે, તેમનો પગાર વધીને 74,845 રૂપિયા થઈ શકે છે. લેવલ 6 ના કર્મચારીઓનો પગાર 93,708 રૂપિયાથી વધીને 1.2 લાખ રૂપિયા થઈ શકે છે.

2000 ના ગ્રેડ પેમાં પણ વધારો થશે 

જો તમે 2000 રૂપિયાના ગ્રેડ પે પર હતા તો તમારું પેન્શન 13,000 રૂપિયાથી વધીને 24,960 રૂપિયા થઈ શકે છે.  લેવલ 3 ના પેન્શનરો 27,040 રૂપિયા સુધી પેન્શન મેળવી શકે છે. જેમનું પેન્શન પહેલા 16,000 રૂપિયા હતું, તે વધીને 30,720 રૂપિયા થઈ શકે છે.

8મા નાણાપંચના અમલ પછી 2,800 રૂપિયાના ગ્રેડ પે પર નિવૃત્ત થયેલા કર્મચારીઓને હવે 15,700 રૂપિયાને બદલે 30,140 રૂપિયા સુધીનું પેન્શન મળી શકે છે. જો 2.28 નો ફિટમેન્ટ ફેક્ટર લાગુ કરવામાં આવે તો તેમનું પેન્શન પણ 32,656 રૂપિયા સુધી વધી શકે છે. લેવલ 5 પેન્શનરોનું લઘુત્તમ પેન્શન 1.92 ના ફિટમેન્ટ પર 39,936 રૂપિયા અને 2.28 ના ફિટમેન્ટ ફેક્ટર પર 43,264 રૂપિયા હશે.

કેન્દ્રીય કર્મચારીઓ માટે આગામી 8મા પગાર પંચનો અમલ ફક્ત પગાર વધારા પૂરતો મર્યાદિત રહેશે નહીં. આ વખતે બીજી એક મોટી માંગણીએ જોર પકડ્યું છે - વીમા કવરમાં મોટો વધારો. સૂત્રોના જણાવ્યા અનુસાર, સરકાર હવે આ દિશામાં ગંભીરતાથી વિચાર કરી રહી છે કે જો કોઈ કર્મચારીનું ફરજ દરમિયાન મૃત્યુ થાય છે તો તેના પરિવારને ₹ 10 લાખથી ₹ 15 લાખ સુધીના વીમા લાભો મળવા જોઈએ.

હાલની પરિસ્થિતિ શું છે ?

હાલમાં, કેન્દ્ર સરકારના કર્મચારીઓને કેન્દ્ર સરકાર કર્મચારી જૂથ વીમા યોજના (CGEGIS) હેઠળ વીમા સુરક્ષા મળે છે. આ યોજના 1982 થી અમલમાં છે અને તેનો હેતુ મૃત્યુ અથવા નિવૃત્તિના કિસ્સામાં કર્મચારીઓને નાણાકીય સહાય પૂરી પાડવાનો છે. પરંતુ આ સિસ્ટમ હવે ખૂબ જ જૂની અને અપ્રાસંગિક  માનવામાં આવે છે.