Anant Ambani Wedding: 300 VIP મહેમાનો સાથે ક્રૂઝ પર યોજાશે અનંત અંબાણી અને રાધિકાનું બીજુ પ્રી-વેડિંગ
Anant Ambani Wedding:અનંત અંબાણી અને રાધિકા મર્ચન્ટના લગ્નનું ફંક્શન 6 જુલાઈથી 12 જુલાઈ વચ્ચે મુંબઈમાં યોજાશે. પરંતુ આ પહેલા અનંત અંબાણી અને રાધિકા મર્ચન્ટનું બીજું પ્રી-વેડિંગ ફંક્શન યોજાશે
Anant Ambani Wedding: બિઝનેસમેન મુકેશ અંબાણીના પુત્ર અનંત અંબાણી અને રાધિકા મર્ચન્ટનું પ્રિ-વેડિંગ ફંક્શન 1-3 માર્ચ દરમિયાન જામનગરમાં યોજાયું હતું. આ ભવ્ય કાર્યક્રમમાં બોલિવૂડ સ્ટાર્સથી લઈને વિદેશી હસ્તીઓએ પણ ભાગ લીધો હતો. હવે લગ્ન પહેલા અનંત-રાધિકાનું બીજું પ્રી-વેડિંગ ફંક્શન થવાનું છે.
અનંત અંબાણી અને રાધિકા મર્ચન્ટના લગ્નનું ફંક્શન 6 જુલાઈથી 12 જુલાઈ વચ્ચે મુંબઈમાં યોજાશે. પરંતુ આ પહેલા અનંત અંબાણી અને રાધિકા મર્ચન્ટનું બીજું પ્રી-વેડિંગ ફંક્શન યોજાશે જે 29મી મેથી શરૂ થશે અને 1, જૂન સુધી ચાલશે. બીજું પ્રી-વેડિંગ ફંક્શન ઇટાલીમાં શરૂ થશે અને 1 જૂને સ્વિટ્ઝર્લેન્ડમાં સમાપ્ત થશે.
View this post on Instagram
300 વીઆઇપી મહેમાનો, નો ફોન પોલિસી
ઈન્ડિયા ટુડેના અહેવાલ અનુસાર, રાધિકા મર્ચન્ટ અને અનંત અંબાણીનું બીજું પ્રી-વેડિંગ ખૂબ જ ખાસ બનવા જઈ રહ્યું છે. કારણ કે આ ફંક્શન ક્રુઝ પર યોજાશે. 300 VIP મહેમાનો આ ખાસ ક્રુઝ પર ફંક્શનમાં સામેલ થશે. આ ત્રણ દિવસીય ઇવેન્ટ ખૂબ જ ખાનગી રાખવામાં આવશે અને મહેમાનો માટે નો-ફોન પોલિસી હશે.
રાધિકાનો સ્પેસ થીમ આઉટફિટ વાયરલ થઈ રહ્યો છે
નોંધનીય છે કે રાધિકા મર્ચન્ટના બીજા પ્રી-વેડિંગ પહેલા જ તેનો એક આઉટફિટ પણ વાયરલ થઈ રહ્યો છે, એવું કહેવામાં આવી રહ્યું છે કે આ સ્પેસ થીમ આધારિત આઉટફિટ રાધિકાના વેડિંગ ફંક્શન માટે તૈયાર કરવામાં આવ્યો છે.
ક્રુઝ પર આ ફંક્શન માટે બોલિવૂડની ઘણી ખાસ હસ્તીઓને પણ આમંત્રિત કરવામાં આવી છે. જો અહેવાલો પર વિશ્વાસ કરવામાં આવે તો પરિવારની નજીકના એક સૂત્રએ જણાવ્યું છે કે મહેમાનોની યાદીમાં શાહરૂખ ખાન, રણબીર કપૂર-આલિયા ભટ્ટ, સલમાન ખાન, પ્રિયંકા ચોપરા અને નિક જોનાસ, રણવીર સિંહ અને દીપિકા પાદુકોણ, કિયારા અડવાણી અને સિદ્ધાર્થ મલ્હોત્રાનો સમાવેશ થાય છે. તેની સાથે સોનમ કપૂર અને આનંદ આહુજા જેવા સ્ટાર્સ પણ સામેલ છે.
ટોપ સ્ટોરી
ટ્રેન્ડિંગ સમાચાર
