વિશ્વની આ સૌથી જૂની કંપનીએ દેવાળું ફૂંક્યું, જ્યાં-ત્યાં રઝળી પડ્યા 6 લાખ પ્રવાસીઓ

થોમસ કૂક બ્રિટનની સૌથી જૂની કંપનીઓમાંની એક છે. તે 1841માં શરૂ થઈ હતી.

નવી દિલ્હીઃ વિશ્વની સૌતી મોટી ટ્રાવેલ કંપનીમાંથી એક એવી થોમસ કૂકે પોતાનો ધંધ બંધ કરવાનો નિર્ણય ક્રયો છે. થોમસ કૂક વિશ્વની સૌથી જૂની ટ્રાવેલ કંપની હતી. કંપની ઘણાં સમયથી ફંડની મુશ્કેલીનો સામનો કરી રહી હતી. કંપની બંધ થવા પર સીઈઓ Peter Fankhauserએ કહ્યું કે, આ ખૂબ જ અફસોસનીવાત છે કે કંપની લેણદારો પાસેથી રાહત પેકેજ મેળવવામાં નિષ્ફળ રહ્યા બાદ કારોબાર બંધ કરી રહી છે. આ કંપનીમાં 21,000થી વધારે લોકો કામ કરી રહ્યા છે. કંપની નાદાર થયા બાદ હવે આ નોકરીઓ પર સંકટના વાદળો ઘેરાયા છે. કંપની બંધ થતાં તાત્કાલીક લોકોને જુદી-જુદી જગ્યાઓથી પાછા લાવવાનું સૌથી મોટું બ્રિટિશ અભિયાન શરૂ થઈ ગયું. અત્યારે આ કંપની દ્વારા 6 લાખ લોકો વિદેશોમાં છે. થોમસ કૂક કંપની બંધ થયાં જ સરકારો અને વીમા કંપનીઓએ મોટા રેસ્ક્યૂ ઓપરેશનમાં પડ્યાં છે. ફૈંકહૉજરે કહ્યું કે કંપનીના લાખો ગ્રાહકો, હજારો કર્મચારીઓ, સપ્લાયર્સ અને પાર્ટનર્સની માંફી માંગવા ઇચ્છે છે. સોશિયલ મીડિયા પર પોસ્ટ કરવામાં આવેલ તસવીરોમાં દેખાય છે કે થોમસ કૂકનાં વિમાનોને અલગ કરવામાં આવી રહ્યાં છે. કર્મચારીઓએ તેમની છેલ્લી ફ્લાઇટની તસવીરો પણ પોસ્ટ કરી. બ્રિટિશ સરકારે કહ્યું કે, કંફનીની બધી જ ફ્લાઇટ્સ રદ કરી દેવામાં આવી છે. હકોને સલાહ આપવામાં આવી છે કે, જ્યાં સુધી thomascook.caa.co.uk પર તપાસ ન કરી લે ત્યાં સુધી એરપોર્ટમાંથી બહાર ન નીકળે. રિટર્ન ફ્લાઇટની માહિતી સરકાર એ જ વેબસાઇટ પર આપશે. થોમસ કૂક બ્રિટનની સૌથી જૂની કંપનીઓમાંની એક છે. તે 1841માં શરૂ થઈ હતી. બે-બે વિશ્વયુદ્ધો સહન કરનાર આ કંપની પેકેજ હોલિડે અને માસ ટૂરિઝન ક્ષેત્રમાં પાયનિયર ગણાતી હતી. આ ફર્મે હોટેલ, રિસોર્ટ સિવાય એરલાઇન્સ પણ ચલાવી છે.