કામ ની વાતઃ આ સરકારી યોજનામાં દર મહિને 1500 રૂપિયા જમા કરો, તમને મળશે 35 લાખ, જાણો વિગતે

કોઈ વ્યક્તિ 19 વર્ષની ઉંમરે આ સ્કીમમાં રોકાણ કરે છે અને 10 લાખ રૂપિયાની પોલિસી ખરીદે છે, તો તેનું માસિક પ્રીમિયમ 55 વર્ષ માટે 1515 રૂપિયા, 58 વર્ષ માટે 1463 રૂપિયા અને 60 વર્ષ માટે 1411 રૂપિયા હશે.

પ્રતિકાત્મક તસવીર

Government Scheme: પોસ્ટ ઓફિસ યોજના રોકાણ માટે શ્રેષ્ઠ વિકલ્પ પૈકી એક છે. એક તો તમને સારું વળતર મળે છે. ઉપરાંત, આ યોજનાઓ સંપૂર્ણપણે સલામત છે. આજે અમે તમને પોસ્ટ ઓફિસની એક એવી સ્કીમ વિશે જણાવવા માંગીએ છીએ, જેમાં તમે બહુ ઓછા રોકાણમાં પણ મોટું ફંડ બનાવી શકો છો.

આ યોજનાનું નામ પોસ્ટ ઓફિસ ગ્રામ સુરક્ષા યોજના છે. તે એક પ્રકારની વીમા યોજના છે. તમારે દરરોજ માત્ર રૂ. 50 (દર મહિને રૂ. 1500)નું રોકાણ કરવું પડશે અને તમને રૂ. 35 લાખ મળી શકે છે. જાણો આ સ્કીમની ખાસ બાબતો વિશેઃ-

19 થી 55 વર્ષનો કોઈપણ ભારતીય નાગરિક આ યોજનાનો લાભ લઈ શકે છે.

આ યોજના હેઠળ લઘુત્તમ વીમાની રકમ 10,000 રૂપિયા છે.

આ સિવાય જો મહત્તમ રકમની વાત કરીએ તો તે 10 લાખ રૂપિયા છે.

પ્રીમિયમની રકમ માસિક, ત્રિમાસિક, અર્ધવાર્ષિક અને વાર્ષિક ધોરણે ચૂકવી શકાય છે.

પ્રીમિયમ ભરવા માટે 30 દિવસનો ગ્રેસ પીરિયડ છે.

આ યોજના હેઠળ લોન લઈ શકાય છે પરંતુ પોલિસી ખરીદ્યાના 4 વર્ષ પછી જ આ સુવિધા મેળવી શકાય છે.

આ યોજનામાં જીવન વીમાનો લાભ પણ ઉપલબ્ધ છે.

આ પોલિસી 3 વર્ષ પછી સરન્ડર કરી શકાય છે.

આમાં ગ્રાહકોને બોનસની સુવિધા પણ મળે છે. ગ્રાહકોને 1000 રૂપિયા દીઠ 65 રૂપિયાની ખાતરી આપવામાં આવી હતી.

તમે આ પોલિસી ઈન્ડિયા પોસ્ટમાંથી લઈ શકો છો.

તમને આ રીતે 35 લાખ મળશે

જો કોઈ વ્યક્તિ 19 વર્ષની ઉંમરે આ સ્કીમમાં રોકાણ કરે છે અને 10 લાખ રૂપિયાની પોલિસી ખરીદે છે, તો તેનું માસિક પ્રીમિયમ 55 વર્ષ માટે 1515 રૂપિયા, 58 વર્ષ માટે 1463 રૂપિયા અને 60 વર્ષ માટે 1411 રૂપિયા હશે.

આવી સ્થિતિમાં, ખરીદનારને 55 વર્ષ માટે 31.60 લાખ રૂપિયા, 58 વર્ષ માટે 33.40 લાખ રૂપિયા અને 60 વર્ષ માટે 34.60 લાખ રૂપિયાનો પાકતી મુદતનો લાભ મળશે.

(અહીં એબીપી ન્યૂઝ કોઈપણ સ્કીમમાં રોકાણની સલાહ નથી આપી રહ્યું. અહીં આપેલી માહિતી માત્ર માહિતીના હેતુ માટે છે. કોઈપણ સ્કીમમાં પૈસા જમા રોકતા પહેલા નિષ્ણાતોની સલાહ લો)