EPFO, LPG, CNG, Credit Card સાથે જોડાયેલા આ નિયમો બદલશે, 1 જૂનથી તમારા ખિસ્સા પર પડશે અસર
રવિવાર 1 જૂનથી નવા મહિનાની શરૂઆત સાથે સામાન્ય લોકો માટે પણ ઘણી વસ્તુઓ બદલાઈ જશે. 1 જૂનથી આ ફેરફારો તમારા ખિસ્સા પર સીધી અસર કરશે.
રવિવાર 1 જૂનથી નવા મહિનાની શરૂઆત સાથે સામાન્ય લોકો માટે પણ ઘણી વસ્તુઓ બદલાઈ જશે. 1 જૂનથી આ ફેરફારો તમારા ખિસ્સા પર સીધી અસર કરશે. નવા મહિનાની શરૂઆતથી મોટાભાગે 4 વસ્તુઓ બદલાવા જઈ રહી છે. આ ચાર બાબતોમાં LPG ગેસ સિલિન્ડરના ભાવ, CNG, PNG અને ATFના ભાવ, ક્રેડિટ કાર્ડનો ઉપયોગ અને EPFOનો સમાવેશ થાય છે. ચાલો જાણીએ 1 જૂનથી ક્યાં નિયમો બદલાઈ જશે.
EPFO
ભારત સરકારના શ્રમ અને રોજગાર મંત્રાલય હેઠળ આવતા EPFOમાં 1 જૂનથી મોટો ફેરફાર થઈ શકે છે. સરકાર 1 જૂને EPFO 3.0 શરૂ કરી શકે છે. EPFO 3.0 હેઠળ EPFO હેઠળના કરોડો કર્મચારીઓ ATM ની મદદથી સીધા PF ખાતામાંથી પૈસા ઉપાડી શકશે.
LPG
તેલ માર્કેટિંગ કંપનીઓ દર મહિનાની પહેલી તારીખે LPG સિલિન્ડરના ભાવમાં ફેરફાર કરે છે. તેથી આ વખતે 1 જૂને પણ LPG સિલિન્ડરના ભાવ જરૂરિયાત મુજબ બદલાઈ શકે છે. તમને જણાવી દઈએ કે 1 મેના રોજ 14.2 કિલોગ્રામના ઘરેલુ LPG સિલિન્ડરના ભાવમાં કોઈ ફેરફાર થયો ન હતો. બીજી તરફ, 19 કિલોગ્રામના કોમર્શિયલ LPG સિલિન્ડરના ભાવમાં 17 રૂપિયાનો ઘટાડો કરવામાં આવ્યો હતો.
CNG, PNG, ATF
રાંધણ ગેસની જેમ, PNG અને ATFના ભાવ પણ દર મહિનાની પહેલી તારીખે સુધારવામાં આવશે. તમને જણાવી દઈએ કે PNG પણ એક રસોઈ ગેસ છે, જે પાઇપ દ્વારા સીધા રસોડામાં પહોંચાડવામાં આવે છે. બીજી તરફ, ATF એ વિમાન ઉડાવવા માટે વપરાતું બળતણ છે. આ ઉપરાંત, 1 જૂનથી CNGના ભાવ પણ બદલાઈ શકે છે.
ક્રેડિટ કાર્ડ
કોટક મહિન્દ્રા બેંક તેના કેટલાક પસંદગીના ક્રેડિટ કાર્ડ પર નિશ્ચિત મર્યાદા પછી પેટ્રોલ, ડીઝલ અને CNGની ખરીદી પર 1 ટકાનો નવો ચાર્જ વસૂલશે. બેંકે વિવિધ કાર્ડ માટે 35,000 રૂપિયા અને 50,000 રૂપિયાની મર્યાદા નક્કી કરી છે. જો કોઈ ગ્રાહક બિલિંગ ચક્રમાં આ મર્યાદાથી વધુ ખરીદી કરે છે, તો તેણે 1 ટકા ફી ચૂકવવી પડશે.
બેંકિંગ સિસ્ટમ
આ 1 જૂનથી બેંકિંગ સિસ્ટમમાં ઘણા મહત્વપૂર્ણ ફેરફારો થવાના છે જે તમારા નાણાકીય વ્યવહારોને અસર કરી શકે છે. બેંકિંગ અનુભવને વધુ સુરક્ષિત અને અનુકૂળ બનાવવા માટે આ ફેરફારો કરવામાં આવી રહ્યા છે. બેંકોની નવી નીતિઓ હેઠળ વિવિધ ક્ષેત્રોમાં ફેરફારો કરવામાં આવ્યા છે. પછી ભલે તે ઓનલાઈન વ્યવહારો હોય કે ATM માંથી રોકડ ઉપાડ, દરેક ક્ષેત્રમાં કેટલાક ફેરફારો જોવા મળશે.
Before You Go
PM Modi Speech: બનાસકાંઠામાં PM મોદીનું ધમાકેદાર સંબોધન! ખેડૂતો માટે કરી મોટી વાતો
ટોપ સ્ટોરી
ટ્રેન્ડિંગ સમાચાર
