EPFO એ આપી મોટી રાહત, હવે ક્લેમ સેટલમેન્ટમાં નહી થાય ઝંઝટ
કર્મચારી ભવિષ્ય નિધિ સંગઠને તેના સભ્યો માટે એક મોટા ખુશખબર આપ્યા છે
કર્મચારી ભવિષ્ય નિધિ સંગઠને તેના સભ્યો માટે એક મોટા ખુશખબર આપ્યા છે. હવે લોકોને ક્લેમ સેટલમેન્ટ કે અન્ય કોઈ સમસ્યાનો સામનો કરવો પડશે નહીં, કારણ કે કેન્દ્રીય શ્રમ અને રોજગાર મંત્રાલય નવી આઈટી સિસ્ટમ લઈને આવી રહ્યું છે. કેન્દ્રીય શ્રમ પ્રધાન મનસુખ માંડવિયાએ બુધવારે જણાવ્યું હતું કે કર્મચારી ભવિષ્ય નિધિ સંગઠન (EPFO)ને આગામી ત્રણ મહિનામાં નવી માહિતી ટેકનોલોજી (IT) સિસ્ટમમાં ટ્રાન્સફર કરવામાં આવશે. આ પછી ક્લેમ કરવા અને બેલેન્સ ચેક જેવી બાબતો સરળ બની જશે. EPFO આ માટે નવી IT સિસ્ટમ 2.01 લોન્ચ કરવાની પણ તૈયારી કરી રહ્યું છે.
નવી સિસ્ટમ દાખલ થયા પછી જો કોઈ સભ્ય નોકરી બદલશે તો સભ્ય આઈડી ટ્રાન્સફર કરવાની કોઈ જરૂર રહેશે નહીં. નવું ખાતું ખોલાવવાની જરૂર રહેશે નહીં. વેબસાઈટ પહેલા કરતા વધુ સુવિધાજનક બનશે. EPFO પોર્ટલ દ્વારા તમે બેલેન્સ ચેકથી લઈને ક્લેમ સેટલમેન્ટ અને અન્ય PF સંબંધિત કામ પૂર્ણ કરી શકો છો.
EPFO પોર્ટલ પર કઈ સમસ્યાનો સામનો કરવો પડી રહ્યો છે?
ઘણા યુઝર્સે EPFOને ફરિયાદ કરી હતી કે પોર્ટલ પર અનેક પ્રકારની સમસ્યાઓનો સામનો કરવો પડી રહ્યો છે. ગયા વર્ષે જૂલાઈમાં રિટાયરમેન્ટ ફંડ બૉડીના કેટલાક અધિકારીઓએ કેન્દ્ર સરકારને જૂના સોફ્ટવેર સિસ્ટમ વિશે ફરિયાદ કરતો પત્ર લખ્યો હતો. જેના કારણે ગ્રાહકોને પણ મુશ્કેલીનો સામનો કરવો પડી રહ્યો હતો. સૌથી મોટી સમસ્યા એ હતી કે કેટલાક લોકોને EPFO પોર્ટલમાં લોગ ઇન કરવામાં મુશ્કેલીનો સામનો કરવો પડ્યો હતો. EPFO સભ્યોને પણ ક્લેમ સેટલમેન્ટમાં સમસ્યાનો સામનો કરવો પડી રહ્યો હતો. ધીમા સર્વરને કારણે તેઓ તેમના પૈસાનો દાવો કરી શક્યા ન હતા.
EPFO પોર્ટલ પર કેમ આવી રહી છે સમસ્યા?
લોકોનું માનવું છે કે પોર્ટલ પર બોજ વધી રહ્યો છે, જેના કારણે ટ્રાફિકને મેનેજ કરવામાં સમસ્યા આવી રહી છે. હાલમાં EPFO જે IT સિસ્ટમ પર કામ કરે છે તેની ક્ષમતા ઘણી ઓછી છે. હવે EPFO એક નવી IT સિસ્ટમ સાથે આવી રહ્યું છે. આ બધી સમસ્યાઓ ત્રણ મહિનામાં દૂર થઈ જશે.
શું અપડેટ થવાનું છે?
અપડેટેડ સિસ્ટમમાં ક્લેમ સેટલમેન્ટ સુવિધા ઓટો પ્રોસેસિંગ મોડ પર હશે. તમામ પેન્શનરોને તેમનું પેન્શન એક નિશ્ચિત તારીખે જ મળશે. બેલેન્સ ચેક કરવાની સુવિધા પહેલા કરતા વધુ સરળ બનશે. નોકરી બદલવા પર MID ટ્રાન્સફર કરવાની જરૂર રહેશે નહીં. કોઈપણ એકાઉન્ટ ટ્રાન્સફર કરવાની સમસ્યા પણ ખતમ થઈ જશે. જ્યારે પીએફ ખાતાધારકો પાસે માત્ર એક જ ખાતું હશે.
આ પણ વાંચોઃ
ટોપ સ્ટોરી
ટ્રેન્ડિંગ સમાચાર
