Google Pay અને SBI એ સાથે મળીને લોન્ચ કર્યું નવું ક્રેડિટ કાર્ડ, મળશે 18000 નો ફાયદો, જાણો ફીચર્સ

Google Pay SBI Card: ગૂગલ પે અને એસબીઆઈએ મળીને એક નવું કાર્ડ લોન્ચ કર્યું છે. આ કાર્ડ ઘણા બધા લાભો સાથે આવ્યું છે. ચાલો જાણીએ શું છે તેની ખાસિયત.

ગૂગલ પે એસબીઆઈ ક્રેડિટ કાર્ડ

Source : abp live

Show Quick Read

Key points generated by AI, verified by newsroom

• Google Pay અને SBI કાર્ડે 'Flex SBI કાર્ડ' લોન્ચ કર્યું.
• યુઝર્સને વાર્ષિક ₹18,000 સુધીના રિવોર્ડ્સ અને મેનેજમેન્ટ એપથી.
• ₹499 ફી; ₹1,000 વેલકમ લાભો અને EMI સુવિધા.

Google Pay and SBI Card:  ક્રેડિટ કાર્ડનો ઉપયોગ આજકાલ દરેક બીજી વ્યક્તિ કરે છે. પોતાની આર્થિક સ્થિતિ અને જીવનશૈલી વચ્ચે સંતુલન જાળવવા માટે લોકો આનો ખાસ ઉપયોગ કરે છે. તમામ બેંકોના ક્રેડિટ કાર્ડ તો આપણે જોયા જ છે અને ઉપયોગ પણ કર્યા છે. પરંતુ હવે બજારમાં એક નવું કાર્ડ પણ લોન્ચ થઈ ગયું છે, જે ઘણી બધી સુવિધાઓ અને રિવોર્ડ્સ સાથે તમને વધુ સુવિધાઓ આપશે.

 

ગૂગલ પે એસબીઆઈનું નવું કાર્ડ

વાસ્તવમાં ગૂગલ પે અને એસબીઆઈ કાર્ડે મળીને 'ગૂગલ પે ફ્લેક્સ એસબીઆઈ કાર્ડ' લોન્ચ કર્યું છે. આ કો-બ્રાન્ડેડ ક્રેડિટ કાર્ડ ખાસ કરીને રોજિંદા ખર્ચ કરનારા લોકો માટે બનાવવામાં આવ્યું છે. આ કાર્ડથી યુઝર્સને વર્ષભરમાં 18 હજાર રૂપિયા સુધીના રિવોર્ડ મળી શકે છે. આ સિવાય ગ્રાહકો પોતાના ક્રેડિટ કાર્ડ સાથે જોડાયેલી તમામ સુવિધાઓ ગૂગલ પે એપ દ્વારા જ વાપરી શકશે.

18 હજાર સુધીના મળશે રિવોર્ડ્સ

ગૂગલ પે ફ્લેક્સ એસબીઆઈ કાર્ડ પર ગ્રાહકોને રિવોર્ડ તરીકે સ્ટાર્સ મળશે. 1 સ્ટારની કિંમત 1 રૂપિયો છે. ગ્રાહક દર 500 રૂપિયાના ખર્ચ પર મહત્તમ 8 સ્ટાર્સ સુધી કમાઈ શકે છે. જોકે કેટલા સ્ટાર્સ મળશે તે બિલિંગ સાયકલમાં કરવામાં આવેલા કુલ ખર્ચ પર નિર્ભર રહેશે. બંને કંપનીઓએ જણાવ્યું છે કે કાર્ડધારક એક વર્ષમાં આશરે 18 હજાર સુધીના રિવોર્ડ કમાઈ શકે છે. આ સ્ટાર્સનો ઉપયોગ ગૂગલ પે પર પેમેન્ટ કરતી વખતે તાત્કાલિક કરી શકાય છે.

ફી અને વેલકમ બેનિફિટ

આ કાર્ડની જોઈનિંગ ફી 499 રૂપિયા + ટેક્સ છે. આટલી જ ફી વાર્ષિક રિન્યુઅલ વખતે પણ આપવાની રહેશે. જોકે, જો ગ્રાહક અગાઉના વર્ષમાં કાર્ડથી 1 લાખ રૂપિયા કે તેથી વધુ ખર્ચ કરે છે, તો વાર્ષિક ફી માફ થઈ જશે. એટલું જ નહીં નવા ગ્રાહકોને 1 હજાર રૂપિયા સુધીના વેલકમ બેનિફિટ મળશે. જેમાં ગૂગલ પેથી પ્રથમ પેમેન્ટ કરવા પર 500 રૂપિયાનો લાભ, જોઈનિંગ ફી ભર્યા પછી 500 રૂપિયા બરાબરના સ્ટાર્સ અને વધુ ખર્ચ પર વધુ રિવોર્ડ જેવા ફાયદા મળશે.

રોજિંદા ખર્ચ પર ફોકસ

આ કાર્ડની રિવોર્ડ સિસ્ટમ દરરોજ થતા ખર્ચને ધ્યાનમાં રાખીને બનાવવામાં આવી છે. જેમાં આ વસ્તુઓ પર કરવામાં આવેલ ખર્ચ સામેલ છે:

• કરિયાણાનો સામાન 
• વીજળી, પાણી અને અન્ય યુટિલિટી બિલ
• મુસાફરીનું બુકિંગ (ટ્રાવેલ બુકિંગ)
• ઓનલાઈન અને ઓફલાઈન શોપિંગ
• દુકાનો અને અન્ય મર્ચન્ટ્સ પર પેમેન્ટ

કાર્ડ માટે અરજી કરવાથી લઈને ખર્ચ જોવા, રિવોર્ડનો ઉપયોગ કરવા અને એકાઉન્ટ મેનેજ કરવા સુધીનું કામ ગૂગલ પે એપથી જ કરી શકાય છે.

EMI ની મળશે સુવિધા

જો કોઈ મહિને ક્રેડિટ કાર્ડનું બિલ વધુ આવી જાય છે, તો ગ્રાહકો પોતાની લેટેસ્ટ બાકી રકમના બિલને EMI માં કન્વર્ટ કરી શકે છે. આનાથી મોટી રકમની ચુકવણી અનેક મહિનાઓમાં કરી શકાય છે.