ભૂલી ગયા છો EPFનો UAN પાસવર્ડ તો ના થાવ પરેશાન, થોડી મિનિટોમાં આ રીતે જનરેટ કરો નવો પાસવર્ડ
નોંધનીય છે કે EPFO તેના તમામ ખાતાધારકોને તેના UAN પોર્ટલ દ્વારા જ તમામ પ્રકારની માહિતી આપે છે.
નવી દિલ્હીઃ દરેક પગારદાર વ્યક્તિ પોતાના પગારનો એક ભાગ પીએફ ખાતામાં જમા કરાવે છે. આ માટે સરકારે વર્ષ 2004માં કર્મચારી ફંડ સંગઠનની શરૂઆત કરી હતી. નોંધનીય છે કે પીએફ ખાતામાં UAN નંબર આપવામાં આવે છે. આ સાથે આ નંબર સાથે પાસવર્ડ પણ આપવામાં આવે છે. તમે તમારું PF એકાઉન્ટ તેના UAN નંબર અને પાસવર્ડ દ્વારા ઓપરેટ કરી શકો છો. તમે આ નંબર અને પાસવર્ડ વડે તમામ પ્રકારની ઈ-નોમિનેશન પ્રક્રિયા, એકાઉન્ટ સ્ટેટસ ચેક કરી શકો છો.
નોંધનીય છે કે EPFO તેના તમામ ખાતાધારકોને તેના UAN પોર્ટલ દ્વારા જ તમામ પ્રકારની માહિતી આપે છે. જો તમે નોકરી બદલો છો તો તમારે વારંવાર યુએન નંબર બદલવાની જરૂર નથી. આવી સ્થિતિમાં જો તમે ક્યારેય UAN નંબરનો પાસવર્ડ ભૂલી જાઓ છો તો આવી સ્થિતિમાં તમારે ઘણી મુશ્કેલીનો સામનો કરવો પડી શકે છે. પાસવર્ડ વિના તમને પીએફ એકાઉન્ટમાં લોગ ઇન કરવામાં મુશ્કેલી પડશે. આવી સ્થિતિમાં ચાલો તમને જણાવીએ કે PF એકાઉન્ટના UAN નંબરનો પાસવર્ડ કેવી રીતે જનરેટ કરવો
આ રીતે UAN નંબરનો પાસવર્ડ રીસેટ કરો
-પાસવર્ડ રીસેટ કરવા માટે તમે પહેલા EPFO unifiedportal-mem.epfindia.gov.in ની સત્તાવાર વેબસાઇટ ઓપન કરો.
- વેબસાઇટ પર તમને UAN member e-SEWA નો વિકલ્પ દેખાશે જેના પર ક્લિક કરો.
-અહીં તમને એક બોક્સ દેખાશે જેમાં તમને UAN નંબર, પાસવર્ડ અને કેપ્ચા દાખલ કરવા માટે કહેવામાં આવશે. આની નીચે તમને Forgot Password નો વિકલ્પ દેખાશે તેના પર ક્લિક કરો.
-અહીં તમને UAN નંબર માટે પૂછવામાં આવશે જેને સબમિટ કર્યા બાદ Captcha દાખલ કરો.
- પછી સબમિટ બટન દબાવો.
-આ પછી તમને તમારો UAN નંબર દેખાશે.
-પછી આ પેજ પર તમને મોબાઈલ નંબરની શરૂઆતના અને અંતના બે નંબર દેખાશે.
-આ પછી તમારા મોબાઈલ નંબર પર એક OTP આવશે તેને આપેલા વિકલ્પમાં ભરો.
-તે પછી તેને વેરિફાઇ કરો.
-આ પછી તમને પાસવર્ડ રીસેટ કરવાનો વિકલ્પ મળશે.
-આ પછી તમે પાસવર્ડ રીસેટ કરો અને નવો પાસવર્ડ દાખલ કરો.
- બાદમાં તેને કન્ફર્મ કરો.
- છેલ્લે સબમિટ બટન દબાવીને આ પ્રક્રિયા પૂર્ણ કરો.
-છેલ્લે તમારા મોબાઇલ અથવા લેપટોપ પર પાસવર્ડ સફળતાપૂર્વક બદલાયેલો દેખાશે.
-આ પછી તમે UAN નંબર અને પાસવર્ડ દાખલ કરીને સરળતાથી PF એકાઉન્ટમાં લોગિન કરી શકો છો.
Before You Go
Bharuch | ભરુચના વાગરાની સાયખા GIDCમાં કંપનીમાં બ્લાસ્ટ, 5 કામદારના મોત
ટોપ સ્ટોરી
ટ્રેન્ડિંગ સમાચાર
