ના કેપ્ચાની માથાકૂટ, ન ક્રેશ થવાનો ડર, IRCTCની નવી વેબસાઈટ પર દર મિનિટે બુક થઈ શકશે 1.5 લાખ ટિકિટો

IRCTC New Website: IRCTCની નવી વેબસાઈટનું બીટા વર્ઝન લાઈવ કરી દેવામાં આવ્યું છે. આ વર્ઝન વર્તમાન પ્લેટફોર્મની સરખામણીમાં 5 ગણો વધુ ટ્રાફિક હેન્ડલ કરી શકે છે. આગામી મહિને આ વેબસાઈટનું પબ્લિક લોન્ચિંગ કરી દેવામાં આવશે.

IRCTC ની નવી વેબસાઈટ લોન્ચ

Source : X

Show Quick Read

Key points generated by AI, verified by newsroom

• IRCTCનું નવું વેબસાઇટ બીટા વર્ઝન, મુસાફરો માટે લોન્ચ.
• કેપ્ચા દૂર કરાતા, બુકિંગ પ્રક્રિયા વધુ ઝડપી બનશે.
• દર મિનિટે દોઢ લાખ ટિકિટ બુકિંગ, ક્ષમતા વધશે.
• પેસેન્જર વિગતો સેવ થવાથી, તત્કાલ બુકિંગ પણ સરળ.

IRCTC New Website:  લાંબી રાહ જોયા બાદ આખરે IRCTCની નવી વેબસાઈટનું બીટા વર્ઝન લોન્ચ થઈ ગયું છે. આની મદદથી પબ્લિક રિલીઝ પહેલા જ મુસાફરો એ જોઈ શકશે કે નવા પ્લેટફોર્મ પર તેમને કયા-કયા નવા ફીચર્સ મળવાના છે. નવી વેબસાઈટના બીટા વર્ઝનને IRCTCની વર્તમાન વેબસાઈટ દ્વારા જ એક્સેસ કરી શકાય છે. બીટા વર્ઝનમાંથી મળેલા ફીડબેકના આધારે જરૂરી સુધારા કરીને વેબસાઈટને પબ્લિક માટે લોન્ચ કરવામાં આવશે. મીડિયા રિપોર્ટ્સમાં અટકળો લગાવવામાં આવી રહી છે કે 15 ઓગસ્ટની આસપાસ આ નવી વેબસાઈટને લોન્ચ કરી દેવામાં આવશે. બીટા વર્ઝનમાં ન તો કેપ્ચાની માથાકૂટ રહેશે અને કેપેબિલિટી વધવાને કારણે દર મિનિટે દોઢ લાખ ટિકિટો બુક થઈ શકશે.

 

બીટા વર્ઝનમાં શું મળ્યું છે?

રેલ મંત્રાલયનું કહેવું છે કે બીટા વેબસાઈટમાં ટિકિટ બુકિંગ પ્રોસેસને સરળ બનાવવા પર ધ્યાન કેન્દ્રિત કરવામાં આવ્યું છે. નવી ડિઝાઇનમાં એક સાફ-સુથરો લેઆઉટ આપવામાં આવ્યો છે. જેની મદદથી ટિકિટ બુકિંગ ઝડપી અને સરળ બનશે. સૌથી મોટા ફેરફાર તરીકે રેલવેએ બિનજરૂરી કેપ્ચા, પોપ-અપ્સ અને ફ્લેશિંગ ગ્રાફિક્સને હટાવી દીધા છે. જેના કારણે ટિકિટ બુક કરવી એ એક ઝંઝટભર્યું કામ લાગતું હતું. હવે આ બધું હટાવીને રેલવે એક સ્મૂધ એક્સપિરિયન્સ આપવા માંગે છે. તમે બ્રાઉઝરમાં https://www.irctc.co.in/eticket/train-search સર્ચ કરીને બીટા વર્ઝનને એક્સેસ કરી શકો છો.

મુસાફરોને થશે આ ફાયદો

નવી વેબસાઈટ આવ્યા પછી ટિકિટ બુકિંગની પ્રોસેસ સરળ અને ટૂંકી થઈ જશે. આ કારણે ટિકિટ ઝડપથી બુક થઈ શકશે. તત્કાલ બુકિંગમાં આ બાબત વધુ કામની સાબિત થશે, જ્યાં દરેક સેકન્ડ મહત્વની હોય છે. નવી વેબસાઈટની બીજી એક ખાસિયત પણ છે. આમાં પેસેન્જર ડિટેલ્સ સેવ રહેશે, જેથી દર વખતે ટિકિટ બુક કરતી વખતે ફરીથી વિગતો ભરવી નહીં પડે. ભારતીય રેલવેમાં વારંવાર મુસાફરી કરતા લોકો માટે આ ફીચર સમય બચાવશે.

દર મિનિટે બુક થઈ શકશે એક લાખથી વધુ ટિકિટો

રિપોર્ટ્સ અનુસાર, નવા પ્લેટફોર્મ પર દર મિનિટે 1.5 લાખ ટિકિટ બુક થઈ શકશે. વર્તમાન સિસ્ટમની ક્ષમતા માત્ર 32,000 ટિકિટની જ છે. આ જ કારણે ઘણી વખત તત્કાલ બુકિંગ શરૂ થતાં જ સર્વર ક્રેશ થઈ જાય છે અને લોકોને ટિકિટ બુક કરવામાં મોટી મુશ્કેલી પડે છે. નવું પ્લેટફોર્મ આવ્યા પછી આ સમસ્યામાંથી છુટકારો મળી શકે છે. આવી જ રીતે પેસેન્જર રિઝર્વેશન સિસ્ટમના બેકએન્ડને પણ બહેતર બનાવવામાં આવી રહ્યું છે. તે દર મિનિટે વર્તમાન 4 લાખની જગ્યાએ 40 લાખથી વધુ ઇન્ક્વાયરી હેન્ડલ કરી શકશે. સરળ ભાષામાં સમજીએ તો, રેલવેની નવી વેબસાઈટ વર્તમાન પ્લેટફોર્મની સરખામણીમાં 5 ગણો ટ્રાફિક હેન્ડલ કરવા માટે બનાવવામાં આવી છે. આનાથી એવી આશા રાખવામાં આવી રહી છે કે સર્વર ક્રેશ નહીં થાય અને લોકો સમયસર ટિકિટ બુક કરી શકશે.

આ પણ વાંચો

Govt Hike Tax: પેટ્રોલ-ડીઝલ અને ATF પર સરકારનો મોટો નિર્ણય, અચાનક વધારી દીધો આ ટેક્સ

Stock Market Today Updates: શેર બજારમાં ગ્રીન ઓપનિંગ, સેંસેક્સ અને નિફટીમાં ઉછાળો, ટેક સ્ટોક્સમાં ખરીદારી