LIC Policy Plan: LIC એ તેના બે પ્લાન ફરીથી લોંચ કર્યા, જાણો પોલિસીની વિગતો અને કેટલો થશે ફાયદો

તમે આ પોલિસીનો લાભ ઓનલાઈન અને ઓફલાઈન લઈ શકો છો. જો આ પ્લાન લેનાર પોલિસી ધારકનું કોઈ કારણસર મૃત્યુ થાય છે, તો તે તેના પરિવારને આર્થિક સુરક્ષા પ્રદાન કરે છે.

પ્રતિકાત્મક તસવીર

LIC Term Insurance Plan: જો તમે દેશની સૌથી મોટી સરકારી જીવન વીમા કંપની LIC પાસેથી ટર્મ પ્લાન ખરીદવાનું વિચારી રહ્યા છો. તો આ સમાચાર તમારા માટે ઉપયોગી સાબિત થઈ શકે છે. LIC તમારા માટે બે નવા પ્લાન લઈને આવ્યું છે. LIC એ તેને ન્યૂ જીવન અમર (LIC’s New Jeevan Amar), ન્યૂ ટેક-ટર્મ (LIC’s New Tech-Term) યોજનાનું નામ આપ્યું છે. જો કે એલઆઈસીએ આજે ​​આ બંને પ્લાન ફરીથી લોન્ચ કર્યા છે.

જૂની યોજના ફરી શરૂ કરી

LIC એ આજે ​​તેની બે ટર્મ ઇન્સ્યોરન્સ પ્લાન (Term Insurance Plan) ફરીથી લોંચ કર્યો છે. LIC કંપનીનું કહેવું છે કે 3 વર્ષ પહેલા જારી કરાયેલી આ બંને ટર્મ ઈન્સ્યોરન્સ પોલિસી પ્લાન (LIC Policy Plan) હવે ફરીથી લોંચ કરવામાં આવ્યા છે અને માર્કેટમાં રજૂ કરવામાં આવ્યા છે. એલઆઈસીએ આ અંગે એક પરિપત્ર બહાર પાડ્યો છે. જેમાં એવો દાવો કરવામાં આવી રહ્યો છે કે એલઆઈસી જીવન અમર અને એલઆઈસી ટેક ટર્મ નામની વીમા પોલિસી હવે નવા નામ સાથે ફરીથી લોંચ કરવામાં આવી છે. હવે તમે આ પૉલિસીઓ ઑનલાઇન અથવા ઑફલાઇન કોઈપણ રીતે ખરીદી શકો છો.

યોજના શું છે

વ્યક્તિઓ LICના નવા ટેક-ટર્મ પ્લાન અને નવા જીવન અમર પ્લાનનો લાભ લઈ શકે છે. તમે આ પોલિસીનો લાભ ઓનલાઈન અને ઓફલાઈન લઈ શકો છો. જો આ પ્લાન લેનાર પોલિસી ધારકનું કોઈ કારણસર મૃત્યુ થાય છે, તો તે તેના પરિવારને આર્થિક સુરક્ષા પ્રદાન કરે છે.

ફરીથી લોંચ કરવા માટેનું કારણ

તમને જણાવી દઈએ કે રિ-ઈન્શ્યોરન્સ રેટમાં વધારાને કારણે એલઆઈસીએ તેના બંને ટર્મ પ્લાનને ફરીથી લૉન્ચ કર્યા છે. LIC એ ઓગસ્ટ, 2019 માં જીવન અમર પોલિસી લોન્ચ કરી હતી, ટેક ટર્મ માર્કેટમાં બીજા જ મહિને, સપ્ટેમ્બર, 2019 માં લોન્ચ કરવામાં આવી હતી. આ પછી, લગભગ 3 વર્ષ સુધી આ બંને પોલિસીના પ્રીમિયમમાં કોઈ ફેરફાર થયો ન હતો, પરંતુ હવે તેમના દરોમાં વધારો કરવામાં ઘણો તફાવત જોવા મળ્યો છે. જેના કારણે તેને ફરીથી લોંચ કરવામાં આવ્યો છે.