![ABP Premium](https://cdn.abplive.com/imagebank/Premium-ad-Icon.png)
RBI Monetary Policy: સામાન્ય માણસને ન મળી કોઈ રાહત, રેપો રેટ 4 ટકા પર યથાવત
RBI ગવર્નર સમક્ષ પડકાર વૃદ્ધિ અને ફુગાવાને સંતુલિત કરવાનો હતો અને શક્તિકાંત દાસે ફુગાવાને નિયંત્રણમાં રાખવાને પ્રાથમિકતા આપીને રેપો રેટમાં કોઈ ફેરફાર કર્યો ન હતો.
![RBI Monetary Policy: સામાન્ય માણસને ન મળી કોઈ રાહત, રેપો રેટ 4 ટકા પર યથાવત rbi monetary policy outcome no change in repo rate and reverse repo rate hiked RBI Monetary Policy: સામાન્ય માણસને ન મળી કોઈ રાહત, રેપો રેટ 4 ટકા પર યથાવત](https://feeds.abplive.com/onecms/images/uploaded-images/2022/02/04/2408622dc84b524857927d92dd74bba0_original.jpg?impolicy=abp_cdn&imwidth=1200&height=675)
RBI Monetary Policy: ભારતીય રિઝર્વ બેંકે આજે તેની નાણાકીય નીતિ સમીક્ષાના પરિણામો જાહેર કર્યા છે અને નીતિ દરોમાં કોઈ ફેરફાર કર્યો નથી. આ રીતે હવે રેપો રેટ 4 ટકા અને રિવર્સ રેપો રેટ 3.35 ટકા રાખવામાં આવ્યો છે. આરબીઆઈના ગવર્નર શક્તિકાંત દાસે આની જાહેરાત કરી હતી.
રિવર્સ રેપો રેટમાં કોઈ ફેરફાર થયો નથી અને તે મે 2020 થી 3.35% પર યથાવત છે. મે 2020 પહેલાના એક વર્ષમાં, RBIની મોનેટરી પોલિસી કમિટીએ 155 બેસિસ પોઈન્ટ્સ અથવા 1.55%નો મોટો કાપ મૂક્યો હતો. જ્યારે MSF દર અને બેંક દર 4.25% પર યથાવત રહેશે.
RBI ગવર્નર સમક્ષ પડકાર વૃદ્ધિ અને ફુગાવાને સંતુલિત કરવાનો હતો અને શક્તિકાંત દાસે ફુગાવાને નિયંત્રણમાં રાખવાને પ્રાથમિકતા આપીને રેપો રેટમાં કોઈ ફેરફાર કર્યો ન હતો.
2022-23માં 7.8% જીડીપી
RBI ગવર્નરે કહ્યું છે કે 2022-23માં GDP વૃદ્ધિ દર 7.8 ટકા રહી શકે છે. તેમણે કહ્યું કે IMF પણ માને છે કે રસીકરણ અને અન્ય જરૂરી પગલાઓને કારણે ભારત ઝડપથી વિકાસ કરશે.
શક્તિકાંત દાસે શું કહ્યું
આરબીઆઈના ગવર્નર શક્તિકાંત દાસે કહ્યું કે વૈશ્વિક બજારોમાં કોવિડ-19 મહામારીના કારણે ઘણા પડકારો આવ્યા છે અને ભારતે પણ ઘણા પડકારોનો સામનો કર્યો છે, જેમાં આરબીઆઈએ મહત્વની ભૂમિકા ભજવવાનો પ્રયાસ કર્યો છે. હવે આપણે કોરોના સામે લડવા માટે સારી સ્થિતિમાં છીએ.
મોંઘુ ક્રૂડ ઓઈલ ચિંતાનું કારણ છે
તાજેતરના મહિનાઓમાં ફુગાવાના દરમાં વધારો થયો છે. ઘણા દેશોમાં ફુગાવો ઘણો ઊંચો છે. જેના કારણે તે દેશોની સેન્ટ્રલ બેંકો વ્યાજદરમાં વધારો કરી રહી છે. વૈશ્વિક તણાવ પણ જોવા મળી રહ્યો છે. ફુગાવાના દરમાં વધારો બેસ કારણોસર થયો છે. જો કે, ક્રૂડ ઓઈલની કિંમતોમાં વધારો ચિંતાનું કારણ છે, જેના કારણે મોંઘવારી વધવાનો ભય છે. ક્રૂડ ઓઈલની વધતી કિંમતો પર નજર રાખવી જરૂરી છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)