અમેરિકાના હાઈ ટેરિફને લઈ આજે પણ બજારમાં હાહાકાર, સેન્સેક્સમાં 706 પોઈન્ટનો કડાકો
અમેરિકન રાષ્ટ્રપતિ ડોનાલ્ડ ટ્રમ્પ દ્વારા ભારતીય ચીજવસ્તુઓ પર 50% ટેરિફ લાદવાની સીધી અસર શેરબજાર પર પડી. ગુરુવારે બજારમાં વેચાણનું દબાણ રહ્યું અને મુખ્ય સૂચકાંકોમાં ભારે ઘટાડો નોંધાયો.
Stock Market News: અમેરિકન રાષ્ટ્રપતિ ડોનાલ્ડ ટ્રમ્પ દ્વારા ભારતીય ચીજવસ્તુઓ પર 50% ટેરિફ લાદવાની સીધી અસર શેરબજાર પર પડી. ગુરુવારે બજારમાં વેચાણનું દબાણ રહ્યું અને મુખ્ય સૂચકાંકોમાં ભારે ઘટાડો નોંધાયો. BSE સેન્સેક્સ 705.97 પોઈન્ટ અથવા 0.87 ટકા ઘટીને 80,080.57 પર બંધ થયો. NSE નિફ્ટી 50 પણ 211.15 પોઈન્ટ અથવા 0.85 ટકા ઘટીને 24,500.90 પર બંધ થયો. ટેરિફ દબાણની અસર સૌથી વધુ IT, હેલ્થકેર, રિયલ્ટી અને FMCG ક્ષેત્રોમાં જોવા મળી.
IT શેરોમાં ઘટાડો
HCL ટેકના શેરમાં 3% ઘટાડો થયો. TCSમાં 2% ઘટાડો થયો. અન્ય ક્ષેત્રીય સૂચકાંકો પણ રેડ નિશાનમાં બંધ થયા. નિષ્ણાતો માને છે કે યુએસ ટેરિફ ભારતીય નિકાસ અને કોર્પોરેટ આવક પર અસર કરે તેવી શક્યતા છે. આ જ કારણ છે કે રોકાણકારોએ જોખમ ટાળવા માટે શેર વેચ્યા.
શેરબજારમાં ભારે ઘટાડા વચ્ચે નિફ્ટીમાં સૌથી વધુ નુકસાન શ્રીરામ ફાઇનાન્સ, એચસીએલ ટેક્નોલોજીસ, ટીસીએસ, પાવર ગ્રીડ કોર્પોરેશન અને ઇન્ફોસિસમાં થયું હતું. ટાઇટન કંપની, એલ એન્ડ ટી, કોલ ઇન્ડિયા, એશિયન પેઇન્ટ્સ અને હીરો મોટોકોર્પ સહિત કેટલાક પસંદગીના શેરોમાં મજબૂતી જોવા મળી હતી.
નિષ્ણાતો કહે છે કે વિદેશી ભંડોળની સતત વેચાણ અને નબળા વૈશ્વિક સંકેતોએ પણ બજારની ધારણાને નબળી પાડી. યુએસ ટેરિફ ભારતીય નિકાસ અને કંપનીઓની આવક પર અસર કરે તેવી અપેક્ષા છે.
એક દિવસ પહેલા પણ ઘટાડો
ગણેશ ચતુર્થીના કારણે બુધવારે ભારતીય સ્થાનિક બજાર બંધ હતું. પરંતુ તેના એક દિવસ પહેલા મંગળવારે વેચાણ દબાણને કારણે રોકાણકારોએ રૂ. 5.41 લાખ કરોડ ગુમાવ્યા. 30 શેરનો BSE સેન્સેક્સ 849.37 પોઈન્ટ અથવા 1.04% ઘટીને 80,786.54 પર બંધ થયો. ટ્રેડિંગ દરમિયાન, સેન્સેક્સ 81,000 ના આંકડાથી નીચે આવી ગયો.
BSE પર સૂચિબદ્ધ કંપનીઓનું બજાર મૂડીકરણ ઘટીને રૂ. 449.45 લાખ કરોડ થયું. આ પાછલા ટ્રેડિંગ સત્રની તુલનામાં રૂ. 5.41 લાખ કરોડનો ઘટાડો દર્શાવે છે.
મંગળવારે, રિયલ્ટી, ફાર્મા, બેંકિંગ અને મેટલ ક્ષેત્રોમાં સૌથી વધુ વેચવાલી નોંધાઈ હતી. બીજી તરફ, FMCG શેરોમાં થોડો વધારો સાથે પ્રમાણમાં મજબૂત રહ્યો. મુખ્ય ઘટાડો થનારા શેર: સન ફાર્મા, ટાટા સ્ટીલ, ટ્રેન્ટ, બજાજ ફાઇનાન્સ, મહિન્દ્રા અને મહિન્દ્રા, બજાજ ફિનસર્વ, રિલાયન્સ ઇન્ડસ્ટ્રીઝ, એક્સિસ બેંક, ટેક મહિન્દ્રા, અદાણી પોર્ટ્સ, ટાઇટન, BEL અને L&T. મુખ્ય વધોરો થનારા શેર: હિન્દુસ્તાન યુનિલિવર, મારુતિ સુઝુકી ઇન્ડિયા, આઇટીસી, ટીસીએસ અને અલ્ટ્રાટેક સિમેન્ટ.
ટોપ સ્ટોરી
ટ્રેન્ડિંગ સમાચાર
