UPI Payment Charges: UPI યુઝર્સને મોટી રાહત! 2000 રૂપિયા સુધીના પેમેન્ટ પર નહીં લાગે કોઈ ચાર્જ, સરકારની સ્પષ્ટતા

UPI Payment Charges: સરકારે UPI મારફતે પેમેન્ટ કરનારા લોકોને રાહત આપી છે. સરકારે આખરે UPI ચાર્જ અંગેના ઘણા દિવસોથી ફેલાયેલા મૂંઝવણને દૂર કરી દીધી છે

સરકારે UPI મારફતે પેમેન્ટ કરનારા લોકોને રાહત આપી છે

Source : Getty Images

Show Quick Read

Key points generated by AI, verified by newsroom

• સરકારે ₹2,000 સુધીના UPI પેમેન્ટ પર શુલ્ક મુક્તિ આપી.
• RuPay ડેબિટ કાર્ડ દ્વારા થતા પેમેન્ટ પણ હવે મફત રહેશે.
• નાણા મંત્રાલયે પેમેન્ટ સિસ્ટમ એક્ટ હેઠળ આ અંગે સ્પષ્ટતા કરી.
• વ્યક્તિગત UPI પેમેન્ટ મફત રહેશે, મોટા વેપારીને ભાવિ શુલ્ક.

UPI Payment Charges: સરકારે UPI મારફતે પેમેન્ટ કરનારા લોકોને રાહત આપી છે. સરકારે આખરે UPI ચાર્જ અંગેના ઘણા દિવસોથી ફેલાયેલા મૂંઝવણને દૂર કરી દીધી છે. સરકારે સ્પષ્ટતા કરી છે કે બેન્કો અથવા પેમેન્ટ સિસ્ટમ પ્રોવાઈડર ₹2,000 સુધીની UPI ચુકવણી પર કોઈ પ્રત્યક્ષ કે પરોક્ષ શુલ્ક વસૂલ કરી શકતા નથી. આ નિયમ RuPay ડેબિટ કાર્ડનો ઉપયોગ કરીને કરવામાં આવતા પેમેન્ટ પર પણ લાગુ પડે છે.

સરકારે સ્પષ્ટતા કરી

સોમવારે નાણા મંત્રાલયે પેમેન્ટ એન્ડ સેટલમેન્ટ સિસ્ટમ એક્ટ, 2007 હેઠળ એક મેમોરેન્ડમ જાહેર કર્યું હતું, જેમાં ₹2,000 સુધીની UPI ચુકવણીઓ અને RuPay ડેબિટ કાર્ડ ચુકવણીઓનો સમાવેશ ઇલેક્ટ્રોનિક પેમેન્ટ માધ્યમોમાં થાય છે જે શુલ્કને પાત્ર નથી. પેમેન્ટ સાથે જોડાયેલા કાયદામાં તાજેતરના ફેરફારોથી UPI પેમેન્ટ પર ભવિષ્યમાં ફી લાદવામાં આવી શકે છે તેવી ચિંતાઓ વચ્ચે સરકારની સ્પષ્ટતા આવી છે.

The Finance Ministry issued a notification under the Payment and Settlement Systems Act, 2007, stating that UPI transactions up to ₹2,000 and RuPay debit card payments cannot be charged. Banks and payment providers cannot levy direct or indirect fees. Charges on UPI transactions… pic.twitter.com/Roy1cZhwty

— IANS (@ians_india) September 14, 2026

સામાન્ય લોકો માટે રાહત

માત્ર આટલું જ નહીં, સરકારે એ પણ સ્પષ્ટતા કરી છે કે સામાન્ય ગ્રાહકોએ UPIનો ઉપયોગ કરવા માટે કોઈ ટ્રાન્ઝેક્શન ફી ચૂકવવી પડશે નહીં. પરિણામે દરરોજ UPI દ્વારા ચુકવણી કરતા સામાન્ય લોકોએ રાહતનો શ્વાસ લીધો છે.

નાની ચુકવણીઓ માટે રાહત

નાણા મંત્રાલયના આ નવા નોટિફિકેશનથી નાના ડિજિટલ પેમેન્ટ કરતા ગ્રાહકો માટે પરિસ્થિતિ વધુ સ્પષ્ટ થઈ છે. આનો અર્થ એ છે કે જો કોઈ ગ્રાહક UPI દ્વારા ₹2,000 સુધીની ચુકવણી કરે છે, તો બેંક અથવા ચુકવણી સિસ્ટમ પ્રદાતા તેમની પાસેથી સીધી કે આડકતરી રીતે ટ્રાન્ઝેક્શન ફી વસૂલ કરી શકશે નહીં. ભારતમાં ડિજિટલ પેમેન્ટ ઝડપથી વધી રહ્યું છે. નાણા મંત્રાલયના જણાવ્યા અનુસાર, જુલાઈ 2026માં UPI દ્વારા 2,366 કરોડ ટ્રાન્ઝેક્શન કરવામાં આવ્યા હતા, જેનું કુલ મૂલ્ય આશરે 29.9 લાખ કરોડ હતું.

UPI પર કોઈ શુલ્ક નહીં

નાણા મંત્રી નિર્મલા સીતારમણે અગાઉ સ્પષ્ટતા કરી હતી કે કાયદામાં ફેરફારોનો હેતુ સામાન્ય UPI ચુકવણીઓ પર શુલ્ક લાદવાનો નથી. નવો કાયદો એક માળખું બનાવે છે જેના હેઠળ ભવિષ્યમાં પસંદગીના મોટા મર્ચન્ટ ટ્રાન્ઝેક્શન પર MDR વસૂલવામાં આવી શકે છે. જો કે, આ શુલ્ક તમામ UPI ચુકવણીઓ પર લાગુ થશે નહીં. એક વ્યક્તિથી બીજી વ્યક્તિને કરવામાં આવતા યુપીઆઈ પેમેન્ટ મફત રહેશે.

આ પણ વાંચો

હવાઈ મુસાફરી સસ્તી! માત્ર ₹3,999માં ફ્લાઇટ ટિકિટ, ઇન્ડિગોની આ ધમાકેદાર ઓફર જાણો

મોંઘવારીનો માર: ડુંગળી, આદુ અને લસણના ભાવ આસમાને; જાણો કઈ વસ્તુઓ થઈ સસ્તી?