પેટ્રોલ-ડીઝલનું ટેન્શન ખતમ: હવે પાણીથી ચાલશે વાહનો! વિદેશી કંપનીએ શોધી નવી ફોર્મ્યુલા

water fuel technology: મોનાકોની 'FOWE' કંપનીનો દાવો: નવી ટેકનોલોજીથી ઈંધણમાં 10% સુધીનો બચાવ થશે, ભારત માટે સાબિત થશે આશીર્વાદરૂપ.

water fuel technology alternative petrol diesel foreign company formula

Source : AI

Show Quick Read

Key points generated by AI, verified by newsroom

• પાણી ભેળવીને ઈંધણ બચાવતી નવી ટેકનોલોજી વિકસાવવામાં આવી.
• આ ટેકનોલોજી ૧૦% સુધી ઈંધણની બચત અને પ્રદૂષણ ઘટાડે છે.
• ભારત માટે ફાયદાકારક, ઈંધણ આયાત ખર્ચમાં ઘટાડો શક્ય.
• મોટા ઔદ્યોગિક એકમોમાં પરીક્ષણ, ભવિષ્યમાં સામાન્ય વાહનોમાં ઉપયોગ શક્ય.

water fuel technology: દુનિયાભરમાં ક્રૂડ ઓઇલના વધતા ભાવો અને ઈંધણની અછત વચ્ચે એક વિદેશી કંપનીએ ચોંકાવનારો દાવો કર્યો છે. મોનાકો સ્થિત 'FOWE ઇકો સોલ્યુશન્સ' નામની કંપની એક એવી નવી ટેકનોલોજી લાવી છે, જેમાં પાણીનો ઉપયોગ કરીને ઈંધણ (પેટ્રોલ-ડીઝલ) નો વપરાશ 10% સુધી ઘટાડી શકાશે. ભારત માટે આ સમાચાર ખૂબ જ રાહત આપનારા છે, કારણ કે આપણો દેશ તેની જરૂરિયાતનું 88% ક્રૂડ ઓઇલ વિદેશથી આયાત કરે છે. જો આ ટેકનોલોજી સફળ રહેશે, તો વાહનો અને ઉદ્યોગોમાં બળતણનો ખર્ચ ઘટશે અને દેશની અર્થવ્યવસ્થાને મોટો ફાયદો થશે.

ભારત માટે આ ટેકનોલોજી કેમ છે ખાસ?

ભારત અત્યારે પોતાની જરૂરિયાતનું 88 ટકા ક્રૂડ ઓઇલ બીજા દેશોમાંથી મંગાવે છે. જેના કારણે દેશના વિદેશી હૂંડિયામણનો મોટો હિસ્સો ઈંધણ પાછળ ખર્ચાય છે. વડાપ્રધાન નરેન્દ્ર મોદી પણ અવારનવાર ઈંધણ બચાવવા પર ભાર મુકતા રહ્યા છે. આવા સમયે જો આ ટેકનોલોજી ભારતમાં વ્યાપકપણે સફળ થાય, તો રૂપિયાની કિંમત પર સકારાત્મક અસર પડશે અને આયાત બિલમાં મોટો ઘટાડો નોંધાશે.

આ ટેકનોલોજી કઈ રીતે કામ કરે છે?

કંપનીના જણાવ્યા મુજબ, તેમણે "કેવિટેક ફ્યુઅલ ઇમલ્શન" (Cavitech Fuel Emulsion) નામની પેટન્ટ ટેકનોલોજી બનાવી છે.

આ ટેકનોલોજી એક અનોખી રીતે ઈંધણ અને પાણીને મિક્સ કરે છે.

આ પ્રક્રિયામાં ઈંધણની અંદર પાણીના બારીક ટીપાં બની જાય છે.

જ્યારે આ મિશ્રણ સળગે છે, ત્યારે તે નાના કણોમાં "માઇક્રો-વિસ્ફોટ" (Micro-explosion) કરે છે.

આનાથી ઈંધણ સંપૂર્ણ રીતે અને વધુ સારી રીતે સળગે છે, પરિણામે ઈંધણ ઓછું વપરાય છે અને ધુમાડો પણ ઓછો નીકળે છે. સૌથી સારી વાત એ છે કે આ માટે મશીન કે એન્જિનમાં કોઈ મોટા ફેરફાર કરવાની જરૂર પડતી નથી અને મશીન ચાલુ હોય ત્યારે પણ તેનો ઉપયોગ કરી શકાય છે.

આ પણ વાંચોઃ ભારતમાં પેટ્રોલ-ડીઝલના ભાવ ફરી ભડકે બળશે? ડોનાલ્ડ ટ્રમ્પના એક નિર્ણયે વધારી ભારતની ચિંતા

કેટલો ફાયદો થશે અને પ્રદૂષણમાં કેટલો ઘટાડો?

કંપનીના દાવા અને કેટલાક સ્વતંત્ર ટેસ્ટિંગના રિપોર્ટ મુજબ, આ ટેકનોલોજીથી બોઇલર અને જહાજોના એન્જિનમાં 6% થી 10% સુધી ઈંધણ બચાવી શકાયું છે. ભારતમાં પણ કેટલીક રિફાઇનરીઓ અને સ્ટીલ પ્લાન્ટમાં આના ટેસ્ટ કરવામાં આવ્યા છે, જેમાં 3.6% થી 6% સુધીની બચત જોવા મળી છે.

એટલું જ નહીં, FOWE કંપનીનું કહેવું છે કે આનાથી હાનિકારક વાયુઓ જેવા કે NOx અને SOx નું પ્રદૂષણ 40% સુધી ઘટી શકે છે. આ ટેકનોલોજી મશીનોની અંદર જમા થતો કચરો ઘટાડે છે, જેનાથી ભવિષ્યમાં મેન્ટેનન્સનો ખર્ચ પણ બચી જાય છે.

સામાન્ય વાહનોમાં ક્યારે આવશે?

હાલ પૂરતી આ ટેકનોલોજીનો ઉપયોગ સામાન્ય કાર કે બાઈકમાં શરૂ થયો નથી. અત્યારે તેનું ટેસ્ટિંગ મોટા ઔદ્યોગિક એકમો, મોટા જહાજો અને પાવર પ્લાન્ટ્સ પૂરતું મર્યાદિત છે. પરંતુ નિષ્ણાતોનું માનવું છે કે, જો ઔદ્યોગિક સ્તરે આ પ્રયોગ સફળ રહ્યો, તો આવનારા સમયમાં આપણા રોજિંદા વાહનોમાં પણ આ ટેકનોલોજી જોવા મળી શકે છે.

આ પણ વાંચોઃ પેટ્રોલ ₹3 મોંઘુ થાય તો શું? ટેન્શન છોડો, ₹5 લાખના બજેટમાં આ કાર્સ આપશે બેસ્ટ માઈલેજ