WFH Survey: ઓફિસ જવું ગમે છે કે વર્ક ફ્રોમ હોમ? સર્વેમાં ભારતીયોએ કરી આ મોડલની માંગ

WFH Survey: કોવિડ 19 (COVID 19) બાદથી જ વર્ક ફ્રોમ હોમનું કલ્ચર શરૂ થઈ ગયું હતું. ત્યાર પછીથી જ લોકોને ઘર બેઠા કામ કરવું ગમે છે. પરંતુ સર્વેમાં તો કંઈક અલગ જ વાત સામે આવી છે.

વર્ક ફ્રોમ હોમ સર્વે

Source : એબીપી અસ્મિતા

Show Quick Read

Key points generated by AI, verified by newsroom

• તાજેતરના સર્વે મુજબ, 39% કર્મચારીઓ હાઇબ્રિડ મોડેલ પસંદ કરે છે.
• હાઇબ્રિડ મોડેલ ઘરેથી અને ઓફિસથી કામનું સુમેળભર્યું મિશ્રણ છે.
• તે કાર્ય-જીવન સંતુલન સુધારીને કર્મચારીનો સંતોષ વધારે છે.
• મેન્યુફેક્ચરિંગ જેવા ક્ષેત્રોમાં ઓફિસથી કામ ફરજિયાત રહે છે.

WFH Survey: વર્ષ 2019 માં જ્યારે COVID મહામારી આવી હતી, તે પહેલા કોઈ પણ વર્ક ફ્રોમ હોમનો કોન્સેપ્ટ જાણતું ન હતું. ખાસ કરીને ભારતમાં. પરંતુ આ મહામારી બાદથી લોકોએ વર્ક ફ્રોમ હોમ કર્યું અને તેમને આ ખૂબ જ ગમ્યું. જો કે આશરે 2-3 વર્ષ સતત ઘરેથી ઓફિસનું કામ કરવું થોડું એક્ઝોસ્ટિંગ પણ લાગવા માંડ્યું હતું. પરંતુ હવે જ્યારે એકવાર ફરીથી વર્ક ફ્રોમ ઓફિસ શરૂ થયું, ત્યારે લોકોને ફરી WFH ની યાદ આવી. આ દરમિયાન હવે એક સર્વેમાં કંઈક નવી જ વાત સામે આવી છે.

 

WFH સર્વેમાં શું આવ્યું સામે?

વાસ્તવમાં તાજેતરમાં જ 'ગ્રેટ પ્લેસ ટુ વર્ક ઇન્ડિયા વોઇસ ઓફ ઇન્ડિયા 2025' નો એક સર્વે સામે આવ્યો છે. આના જણાવ્યા અનુસાર, જો કર્મચારીઓને ઓપ્શન મળે તો 39% લોકો હાઇબ્રિડ વર્ક મોડલને સૌથી વધુ પસંદ કરે છે. સર્વેમાં જણાવવામાં આવ્યું છે કે પ્રોફેશનલ સર્વિસીસ અને ટેકનોલોજી સેક્ટરના કર્મચારીઓ હાઇબ્રિડ મોડલને સૌથી વધુ પસંદ કરે છે. હવે કંપનીઓ આ વાત પર વધુ ધ્યાન આપી રહી છે કે કર્મચારીઓ ક્યાંથી કામ કરી રહ્યા છે, તેના બદલે તેઓ કેટલું સારું કામ કરી રહ્યા છે.

શું છે હાઇબ્રિડ વર્ક મોડલ?

હાઇબ્રિડ વર્ક મોડલ 'વર્ક ફ્રોમ હોમ' અને 'વર્ક ફ્રોમ ઓફિસ' નું મિશ્રણ છે. આમાં કર્મચારીએ અઠવાડિયામાં બે કે ત્રણ દિવસ ઓફિસ જવાનું હોય છે અને બાકીના દિવસોમાં તે ઘરેથી કામ કરે છે. આને જ હાઇબ્રિડ વર્ક મોડલ કહે છે. આનાથી ઘરે રહીને આરામથી કામ પણ થઈ જાય છે અને થોડા દિવસ ઓફિસ જઈને કામ કરવાથી માઇન્ડ પણ ફ્રેશ થઈ જાય છે. તેથી લોકો આને ખૂબ જ પસંદ કરે છે.

હાઇબ્રિડ વર્ક મોડલના શું ફાયદા છે?

• આમાં કર્મચારી થોડા દિવસ ઘરેથી અને થોડા દિવસ ઓફિસથી કામ કરે છે.

• આમાં તેઓ પોતાના કામ અને અંગત જીવન વચ્ચે વધુ સારું સંતુલન (વર્ક લાઈફ બેલેન્સ) બનાવી શકે છે.

• હાઇબ્રિડ પદ્ધતિથી કામ કરવાથી કર્મચારીઓનો સંતોષ વધે છે, નોકરી છોડવાની સંભાવના ઓછી થાય છે.

• કંપનીઓને સારા ટેલેન્ટને આકર્ષિત કરવામાં પણ મદદ મળે છે.

WFO ખતમ થઈ જશે?

આ સર્વેનું માનીએ તો એવું નથી. ઘણા એવા સેક્ટર છે જ્યાં ઓફિસ કે સાઇટ પર હાજર રહીને કામ કરવું જરૂરી છે. ઉદાહરણ તરીકે, મેન્યુફેક્ચરિંગ અને પ્રોડક્શન સેક્ટરમાં 72% કર્મચારીઓ આજે પણ મુખ્યત્વે વર્કપ્લેસ પર જઈને કામ કરે છે. જ્યારે, ઓન-સાઇટ કામ કરનારા 59% કર્મચારીઓ પોતાના એમ્પ્લોયરની ઓફિસ કે ફેક્ટરીમાંથી કામ કરે છે.

આ પણ વાંચો

SIP: દરરોજ માત્ર 100 રુપિયાનું રોકાણ કરીને બનાવો 1 કરોડનું ફંડ, આ રહ્યો કરોડપતિ બનવાનો સિક્રેટ પ્લાન!

Post Office : પોસ્ટની આ સ્કીમમાં દર મહિને જમા કરો 3,500 રૂપિયા, 60 મહિના બાદ મળશે આટલા લાખ