Gujarat Monsoon 2026: રાજ્યમાં ચોમાસું સારૂ રહેવાની 11 તજજ્ઞોની આગાહી,  40થી 50 ઈંચ વરસાદ વરસશે

રાજ્યના ખેડૂતો માટે સૌથી મોટા રાહતના સમાચાર સામે આવ્યા છે. રાજકોટમાં જળક્રાંતિ ટ્રસ્ટના માધ્યમથી યોજાયેલી બેઠકમાં સૌરાષ્ટ્રના આગાહીકારોએ ચોમાસાને લઈને આગાહી કરી છે.

પ્રતિકાત્મક તસવીર

Source : તસવીર સોશિયલ મીડિયા

Show Quick Read

Key points generated by AI, verified by newsroom

• સૌરાષ્ટ્રના આગાહીકારોએ સારા ચોમાસાની આગાહી કરી.
• 15 જૂનથી ખેડૂતો પહેલી વાવણી કરી શકશે.
• ચોમાસામાં હોનારત કે વાવાઝોડાનો કોઈ ભય નથી.
• ચોમાસું 15 ઓક્ટોબર આસપાસ વિદાય લેશે.

રાજકોટ: રાજ્યના ખેડૂતો માટે સૌથી મોટા રાહતના સમાચાર સામે આવ્યા છે. રાજકોટમાં જળક્રાંતિ ટ્રસ્ટના માધ્યમથી યોજાયેલી બેઠકમાં સૌરાષ્ટ્રના આગાહીકારોએ ચોમાસાને લઈને આગાહી કરી છે.  સૌરાષ્ટ્રના આગાહીકારોએ ચોમાસામાં સારા વરસાદનું અનુમાન વ્યક્ત કર્યુ. 11 જેટલા વર્ષા વિજ્ઞાન તજજ્ઞોની આ બેઠકમાં આગામી ચોમાસા અને ખેડૂતોની વાવણી અંગે ચર્ચા કરવામાં આવી. ચર્ચા બાદ આગાહીકારોના મતે  સારો વરસાદ વરસી શકે છે.

ખેડૂતો પહેલી વાવણી 15 જૂને કરી શકશે

આગાહીકારોના મતે ખેડૂતો પહેલી વાવણી 15 જૂને, બીજી વાવણી 21 જૂનથી 24 જૂન અને ત્રીજી વાવણી ત્રણ જુલાઈએ કરી શકશે. એટલુ જ નહીં ચોમાસામાં હોનારત કે વાવાઝોડાનો કોઈ ભય ન હોવાનું પણ આગાહીકારોનું અનુમાન છે. 15 ઓક્ટોબર આસપાસ ચોમાસું વિદાય લેશે તેવી પણ આગાહી કરવામાં આવી છે. 

આ પણ વાંચો- Heavy Rain Alert: આગામી 72 કલાક વરસાદનું એલર્ટ, આ રાજ્યોને લઈ હવામાન વિભાગની ચેતવણી 

સૌરાષ્ટ્રના આગાહીકારોએ ચોમાસાને લઈને આગાહી કરી છે. ગુજરાતમાં સારૂ ચોમાસુ રહેવાની અને 40 થી 50 ઈંચ વરસાદ પડવાની  આગાહી કરી છે. રાજકોટમાં યોજાયેલી જળક્રાંતિ ટ્રસ્ટ બેઠકમાં 11 જેટલા વર્ષા વિજ્ઞાન તજજ્ઞો હાજર રહ્યા.આ બેઠકમાં આગામી ચોમાસા, વાવણી અંગે ચર્ચા કરવામાં આવી હતી.  ખેડૂતોને વાવણી માટે પણ ત્રણ તબક્કા જાહેર કરવામાં આવ્યા હતા.  ગુજરાતમાં કુદરતી હોનારત કે વાવાઝોડાનો પણ કોઈ ભય ન હોવાનું બેઠકમાં જણાવાયું છે. 

વર્ષ 2026માં ચોમાસું માત્ર વહેલું જ નહીં પણ લાંબુ પણ ચાલશે તેવી શક્યતા વ્યક્ત કરવામાં આવી છે. તજજ્ઞોની આગાહી અનુસાર,  ગુજરાતમાંથી ચોમાસું 15 ઓક્ટોબરની આસપાસ વિદાય લેશે.

પ્રી-મોન્સૂનને લઈ દેશના હવામાનમાં આવ્યો પલટો

પ્રી-મોન્સૂન સીઝનના આગમન પછી દેશના હવામાનમાં પલટો જોવા મળી રહ્યો છે.  આ કારણે ઘણા રાજ્યોમાં વરસાદ ફરી શરૂ થયો છે. 2025 ની ચોમાસાની સીઝનમાં દેશભરમાં રેકોર્ડબ્રેક વરસાદ પડ્યો હતો. આને ધ્યાનમાં રાખીને નિષ્ણાતોએ 2026 માટે પણ સારા વરસાદની આગાહી કરી હતી. જોકે  હવે અહેવાલો છે કે અલ નીનો વરસાદને અસર કરી શકે છે. આ દરમિયાન, દેશભરમાં પ્રી-મોન્સૂન પેટર્ન બદલાઈ ગઈ છે. પરિણામે, ભારતીય હવામાન વિભાગ (IMD) એ આગામી 72 કલાક માટે ઘણા રાજ્યો માટે ભારે વરસાદની ચેતવણી જારી કરી છે. હવામાન વિભાગે દેશના અનેક રાજ્યોમાં વરસાદનું અનુમાન વ્યક્ત કર્યું છે.   

આ પણ વાંચો

Heavy Rain Alert: આગામી 72 કલાક વરસાદનું એલર્ટ, આ રાજ્યોને લઈ હવામાન વિભાગની ચેતવણી