ગુજરાતમાં આગામી પાંચ દિવસ વરસાદને લઈ હવામાન વિભાગે શું કરી મોટી આગાહી, જાણો

રાજ્યમાં આગામી પાંચ દિવસ વરસાદ પડી શકે છે.  આ આગાહી હવામાન વિભાગે કરી છે. જેમાં આગામી 2 દિવસમાં સામાન્ય વરસાદ પડી શકે છે.

પ્રતિકાત્મક તસવીર

અમદાવાદ: રાજ્યમાં આગામી પાંચ દિવસ વરસાદ પડી શકે છે.  આ આગાહી હવામાન વિભાગે કરી છે. જેમાં આગામી 2 દિવસમાં સામાન્ય વરસાદ પડી શકે છે. હવામાન વિભાગનું માનીએ તો સાઉથ વેસ્ટ ઉત્તરપ્રદેશ અને મધ્યપ્રદેશ પર હળવું દબાણ સર્જાયુ છે. જેથી ગુજરાતમાં સામાન્ય વરસાદ રહેવાની સંભાવના છે. જો કે ચાર ઓગસ્ટ બાદ રાજ્યમાં વરસાદની તિવ્રતામાં વધારો થઈ શકે છે. રાજ્યમાં હાલ કોઈ સિસ્ટમ સક્રિય ન હોવાથી સામાન્ય  વરસાદ જ રહેશે. 

હવામાન વિભાગના મતે આ સીઝનમાં અત્યાર સુધી દક્ષિણ ગુજરાતમાં સૌથી વધુ વરસાદ પડ્યો છે. જ્યારે સૌરાષ્ટ્ર-કચ્છ અને ઉત્તર ગુજરાતમાં છે હજુ વરસાદની ઘટ છે. ત્યારે આજથી 5 ઑગસ્ટ સુધી સમગ્ર રાજ્યમાં વરસાદ પડશે. રાજ્યમાં અત્યાર સુધી સીઝનનો 35.48 ટકા વરસાદ નોંધાયો છે. જેમાં જુલાઈ મહિનામાં સરેરાશ 6.92 ઈંચ વરસાદ વરસ્યો છે.

સમગ્ર દેશમાં વરસાદ

 

હવામાન વિભાગ અનુસાર, 01 થી 02 ઓગસ્ટ દરમિયાન પશ્ચિમ ઉત્તર પ્રદેશમાં ભારેથી અતિ ભારે વરસાદની સંભાવના છે. 02 ઓગસ્ટ સુધી, પૂર્વીય યુપીના ઘણા જિલ્લાઓમાં ભારે વરસાદ પણ શક્ય છે.

ભારતીય હવામાન વિભાગ (IMD) એ રાજસ્થાન અને મધ્યપ્રદેશના ભાગો માટે ‘રેડ એલર્ટ’ જારી કર્યું છે. હવામાન વિભાગ દ્વારા જારી કરવામાં આવેલા નિવેદનમાં કહેવામાં આવ્યું છે કે 1 થી 4 ઓગસ્ટ દરમિયાન રાજસ્થાનના પૂર્વ ભાગ અને મધ્યપ્રદેશના પશ્ચિમ ભાગમાં કેટલાક સ્થળોએ ભારે વરસાદની સંભાવના છે.

હવામાન વિભાગના જણાવ્યા અનુસાર, આગામી બેથી ત્રણ દિવસ સુધી ઉત્તર ભારતમાં બાકીના વિસ્તારોમાં ભારે વરસાદની શક્યતા છે. 

ગુજરાતમાં આગામી 2 દિવસમાં સામાન્ય વરસાદ પડી શકે છે. હવામાન વિભાગનું માનીએ તો સાઉથ વેસ્ટ ઉત્તરપ્રદેશ અને મધ્યપ્રદેશ પર હળવું દબાણ સર્જાયુ છે. જેથી ગુજરાતમાં સામાન્ય વરસાદ રહેવાની સંભાવના છે.

વરસાદ નહી પડતા ભાવનગર જિલ્લાના મોટાભાગના ડેમો પણ ખાલી જોવા મળી રહ્યા છે. થોડા દિવસમાં વરસાદ નહી પડે તો ખેતીનો પાક સુકાય જવાની ભીતિ રહેલી છે ત્યારે હાલ વરસાદ માટે ખેડૂતો પ્રાર્થના કરતા નજરે પડી રહ્યા છે.