જૂનાગઢઃ કાર વીજપોલ સાથે ટકરાતા સર્જાયો અકસ્માત, બે યુવતી સહિત પાંચના મોત, બે ગંભીર

સુરતના પરિવારને જૂનાગઢમાં અકસ્માત નડતા ચારના મોત થયા છે. પરિવાર કાર લઈને જઈ રહ્યો હતો, ત્યારે અકસ્માત થયો હતો.

જૂનાગઢઃ મેંદરડા ગાંઠીલા રોડ પર કારને અકસ્માત નડતા બે યુવતી સહિત પાંચ લોકોના મોત થયા છે. આજે વહેલી સવારે કાર લઈને દીવથી પરત ફરી રહ્યા હતા ત્યારે મેંદરડા-ગાંઠીલા રોડ પર ડ્રાઇવરે સ્ટીયરિંગ પરથી કાબૂ ગુમાવતા અકસ્માત સર્જાયો હતો. ઘટનાની જાણ થતાં 108ની ટીમ ત્યાં દોડી આવી હતી. કારને એટલો ગમખ્વાર અકસ્માત નડ્યો હતો કે, કારનું પતરું કાપીને લાશો બહાર કાઢવી પડી હતી. ચાલકે સ્ટિયરિંગ પરનો કાબૂ ગુમાવતા કાર વોંકળામાં ઉતરી વીજપોલ સાથે અથડાઇ હતી. આ અકસ્માતમાં કારાં સવાર 7 લોકોમાંથી 5નાં ઘટનાસ્થળે જ મોત નીપજ્યાં હતા. જ્યારે 2 લોકોને ગંભીર ઈજા થતાં સારવાર માટે ખસેડવામાં આવ્યા હતા. હાલ પાંચેયનાં મૃતદેહને પીએમ માટે સિવિલ હોસ્પિટલમાં ખસેડાયા છે. પોલીસે સમગ્ર મામલે કાર્યવાહી હાથ ધરી છે. ફોર્ડ એન્ડેવર કાર જીજે 11 સીડી 0001 લઈને ઇશાંત ચંદાણી મિત્રો સાથે દીવ ફરવા માટે ગયા હતા. ગાંઠીલા પાસે અકસ્માત થતાં ઇશાંત સલીમભાઈ ચંદાણી (ઉંમર-19), એઝાઝ ફિરોઝભાઈ ચંદાણી (ઉંમર-25), ભાવિક કાળુભાઇ મકવાણા (ઉંમર-24), પાયલબેન વિનોદભાઈ લાઠીયા (ઉંમર-20) અને કુંજનબેન પ્રદીપગીરી અપારનાથી (ઉંમર-20)નાં ઘટનાસ્થળે જ મોત થયા હતા. જ્યારે સુનિલ સોલંકી (ઉંમર-24) અને સમન સલીમભાઈ મીર (ઉંમર-15)ને ગંભીર ઇજા પહોંચી હતી.