ગુજરાતની રાજધાની ગાંધીનગરમાં આ બજારોમાં 4 દિવસનું સંપૂર્ણ લોકડાઉન, વેપારીઓ કોરોના પોઝિટિવ આવતા....

મીના બજારના શોપિંગ માર્કેટમાં 152 અ પાથરણા બજારમાં અંદાજે 200 જેટલી દુકાનો આવેલી છે. નોંધનયી છે કે, મીના બજાર માર્કેટ એ સવિવાલયનું મુખ્ય ખરીદી કેન્દ્ર છે.

પ્રતિકાત્મક તસવીર

ગાંધીનગરઃ સમગ્ર રાજ્યમાં કોરોના (coronavirus)નો કોહરામ જોવા મળી રહ્યો છે. કોરોનાના વધતા કેસને ધ્યાનમાં રાખીને રાજ્ય સરાકરે તો કોઈ લોકડાઉનની જાહેરાત કરી નથી પરંતુ વેપારીઓ અને લોકો પોતાની રીતે સ્વૈચ્છિક લોકડાઉન લગાવી રહ્યા છે. ત્યારે હેવ ગુજરાતની રાજધાની ગાંધીનગરમાં પણ કેટલાક બજારને સંપૂર્ણ બંધ કરવાનો નિર્ણય લેવામાં આવ્યો છે.

ગાંધીનગર (Gandhinagar)ના મીના બજાર માર્કેટ સંપૂર્ણ બંધ (lockdown) કરવાનો નિર્ણય કરવામાં આવ્યો છે. એટલું જ નહીં મીના બજાર ઉપરાંત પાથરણા બજાર પણ આગામી 4 દિવસ સુધી સંપૂર્ણ બંધ રહેશે. કોરોનાના કેસો વધતા અને વેપારીઓ કોરોના પોઝિટિવ આવતા આ નિર્ણય કરવામાં આવ્યો છે. મીના બજારના શોપિંગ માર્કેટમાં 152 અ પાથરણા બજારમાં અંદાજે 200 જેટલી દુકાનો આવેલી છે. નોંધનયી છે કે, મીના બજાર માર્કેટ એ સવિવાલયનું મુખ્ય ખરીદી કેન્દ્ર છે.

નોંધનીય છે કે, ગઈકાલે રાજ્યમાં પ્રથમ વખત 13,105 નવા કેસ નોંધાયા છે. જ્યારે વધુ 137 લોકોનાં મૃત્યુ થયા છે તેની સાથે કોરોનાથી કુલ મૃત્યુઆંક 5877 પર પહોંચી ગયો છે.  

રાજ્યમાં આજે 5,010 લોકોએ કોરોનાને મ્હાત આપી છે. તેની સાથે અત્યાર સુધી 3,55,875 લોકો ડિસ્ચાર્જ થઈ ચૂક્યા છે. રાજ્યમાં એક્ટિવ કેસ (Active cases)ની સંખ્યા વધીને 92 હજારને પાર પહોંચી ગઈ છે. રાજ્યમાં હાલ એક્ટિવ કેસનો આંકડો 92084 પર પહોંચ્યો છે. જેમાંથી 376 લોકો વેન્ટિલેટર પર અને 91708 લોકો સ્ટેબલ છે. રાજ્યમાં કોરોનાથી રિકવરી રેટ 78.41 ટકા છે.

કોરોનાથી ક્યાં કેટલા મોત થયા ?

આજે અમદાવાદ કોર્પોરેશનમાં 23, સુરત  કોર્પોરેશનમાં 22,  રાજકોટ કોર્પોરેશન-10, વડોદરા કોર્પોરેશન-10,  સુરત-5, મહેસાણમાં 3, જામનગર કોર્પોરેશન-5,  બનાસકાંઠા-5, જામનગર-4, વડોદરા-4,  પાટણ-3, ભરૂચ 2,  ભાવનગર કોર્પોરેશન-3, ગાંધીનગર 2, ભાવનગર 3, જૂનાગઢ કોર્પોરેશન 2, જૂનાગઢ 2, દાહોદ 1, પંચમહાલ 1, વલસાડ 1, સુરેન્દ્રનગર 3, અમરેલી 1, અમદાવાદ 1, સાબરકાંઠા 5, મહીસાગર 1, મોરબી 4, રાજકોટ 4, ગીર સોમનાથ 2, અરવલ્લી 1, નર્મદા 1 અને દેવભૂમિ દ્વારકામાં 3ના મૃત્યુ થયા હતા.

ક્યાં કેટલા કેસ નોંધાયા  ?

અમદાવાદ કોર્પોરેશનમાં 5142,  સુરત કોર્પોરેશનમાં 1958, રાજકોટ કોર્પોરેશન- 697, વડોદરા કોર્પોરેશન-598,  સુરત-518, મહેસાણા-444, જામનગર કોર્પોરેશન-336, બનાસકાંઠા-236,  જામનગર-228, કચ્છ-214, વડોદરા-183,  ગાંધીનગર કોર્પોરેશન-161, પાટણ-158,  ભરૂચ 157, ભાવનગર કોર્પોરેશન-148, ગાંધીનગર 115, ખેડા 114, નવસારી 107, ભાવનગર 106, તાપી 103, જૂનાગઢ કોર્પોરેશન 102, જૂનાગઢ 100, દાહોદ 97, પંચમહાલ 97, વલસાડ 95, સુરેન્દ્રનગર 87, અમરેલી 85, અમદાવાદ 84, સાબરકાંઠા 84, મહીસાગર 77, મોરબી 66, રાજકોટ 65, ગીર સોમનાથ 63, અરવલ્લી 55, નર્મદા 52, આણંદ 42, દેવભૂમિ દ્વારકા 39, પોરબંદર 34, છોટા ઉદેપુર 25, બોટાદ 19 અને ડાંગમાં 14 કેસ નોંધાયા હતા.

કેટલા લોકોએ લીધી રસી

વેક્સિનેસન (vaccinations) કાર્યક્રમ અંતર્ગત અત્યાર સુધીમાં કુલ 91,51,776 લોકોને વેક્સિનનો પ્રથમ ડોઝ આપવામાં આવ્યો છે અને 17,07,297 લોકોને કોરોનાની રસીનો બીજો ડોઝ આપવામાં આવ્યો છે.  આમ કુલ- 1,08,59,073 લોકોને રસીકરણના ડોઝ આપવામાં આવ્યા છે.