ABP-CVoter Exit Poll: એક્ઝિટ પોલમાં ઉત્તર ગુજરાતનું ચિત્ર થયું સ્પષ્ટ, કોંગ્રેસને લાગશે ઝટકો

ABP-CVoter Exit Poll: ગુજરાત વિધાનસભાની ચૂંટણીમાં ઉત્તર ગુજરાતની બેઠકો પર આ વખતે સૌની નજર રહેલી છે. એબીપી સી વોટર એક્ઝિટ પોલમાં ચોંકાવનારા આંકડા સામે આવ્યા છે.

ફાઈલ તસવીર

Source : @ECISVEEP

ABP-CVoter Exit Poll: ગુજરાત વિધાનસભાની ચૂંટણીમાં ઉત્તર ગુજરાતની બેઠકો પર આ વખતે સૌની નજર રહેલી છે. એબીપી સી વોટર એક્ઝિટ પોલમાં ચોંકાવનારા આંકડા સામે આવ્યા છે. એક્ઝિટ પોલના આંકડા અનુસાર ઉત્તર ગુજરાતની 32 ભાજપને 23 બેઠક મળી રહી છે. જ્યારે કોંગ્રેસને 32માંથી 8 બેઠકો મળી રહી છે. આમ આદમી પાર્ટીને ઉત્તર ગુજરાતમાં ઝટકો લાગ્યો છે અને તેને એક પણ બેઠક નહીં મળે, જ્યારે અન્યને એક બેઠક મળે તેવું અનુમાન છે. આમ એક્ઝિટ પોલ પ્રમાણે ભાજપને 9 બેઠકનો ફાયદો થઈ રહ્યો છે જ્યારે કોંગ્રેસને 9 બેઠકનું નુકસાન થઈ રહ્યો છે.

ગુજરાતમાં AAP ને કટેલી મળશે સીટ ? જાણો શું કહે છે એક્ઝિટ પોલના આંકડા

ગુજરાત વિધાનસભાની ચૂંટણીમાં કોની જીત થશે તેને લઈને સૌના મનમાં સવાલો ઉભા થઈ રહ્યા છે. એબીપી સી વોટર એક્ઝિટ પોલમાં ચોંકાવનારા આંકડા સામે આવ્યા છે. જો કે, પહેલા તબક્કાની જેમ બીજા તબક્કામાં પણ ઓછું મતદાન થયું હતું તેમ છતા બીજેપી ફરી સરકાર બનાવશે.

ભાજપને કેટલી સીટો મળશે

એબીપી સી વોટર ઓપિનિયન પોલમાં સામે આવેલા આંકડા અનુસાર 182માંથી બીજેપીને  134 સીટો મળી શકે છે. જ્યારે કોંગ્રેસને 37 સીટો મળે તેવા એંધાણ છે. તો બીજી તરફ આમ આદમી પાર્ટીને 7 સીટો મળવાનો અંદાજ છે.

કોંગ્રેસને કેટલી બેઠકનું થશે નુકસાન

એક્ઝિટ પોલના તારણ મુજબ ગુજરાતની 182 પૈકી અન્યને 4 બેઠક મળવાનું અનુમાન છે. ગુજરાતમાં ભાજપને 35 બેઠકનો ફાયદો થવાનું અનુમાન છે, જ્યારે ગુજરાતમાં કોંગ્રેસને 40 બેઠકોનું નુકસાન થવાનું અનુમાન છે.

દક્ષિણ ગુજરાતમાં કઈ પાર્ટીને લાગશે ઝટકો

એબીપી સી વોટર એક્ઝિટ પોલમાં સામે આવેલા આંકડા અનુસાર ùદક્ષિણ ગુજરાતની 35 પૈકી ભાજપને  26 બેઠક મળવાનું અનુમાન. જ્યારે કોંગ્રેસને 35માંથી 6 સીટો મળે તેવા એંધાણ છે. તો બીજી તરફ આમ આદમી પાર્ટીને બે સીટો અને અન્યના ફાળે 1 સીટ જશે.

સૌરાષ્ટ્ર-કચ્છમાં ક્યાં પક્ષને મળશે કેટલી બેઠકો

ગુજરાત ચૂંટણીમાં બીજા અને અંતિમ તબક્કાનું મતદાન સોમવારે (5 ડિસેમ્બર) પૂર્ણ થયું છે. રાજ્યમાં પ્રથમ તબક્કા માટે 1 ડિસેમ્બરે મતદાન થયું હતું. એબીપી ન્યૂઝ સીવોટ સર્વેમાં સૌરાષ્ટ્ર કચ્છના આંકડા સામે આવ્યા છે. સૌરાષ્ટ્ર કચ્છમાં કુલ 54 બેઠકો છે. 

ભાજપ-38
કૉંગ્રેસ-10
આપ-5
અન્ય -1