કડીમાં આઇસર-રિક્ષા વચ્ચે ગમખ્વાર અકસ્માત, 4 લોકોના મોત નિપજ્યાં
મહેસાણા જિલ્લાના કડી તાલુકામાં ગમખ્વાર અકસ્માતની ઘટના બની છે. કડીના નંદાસણ રોડ પર ઉંટવા પાટીયા નજીક જય ભોલે હોટલની સામે આઈસર અને રિક્ષા વચ્ચે ગમખ્વાર અકસ્માત થયો હતો.
મહેસાણા: મહેસાણા જિલ્લાના કડી તાલુકામાં ગમખ્વાર અકસ્માતની ઘટના બની છે. કડીના નંદાસણ રોડ પર ઉંટવા પાટીયા નજીક જય ભોલે હોટલની સામે આઈસર અને રિક્ષા વચ્ચે ગમખ્વાર અકસ્માત થયો હતો. આ અકસ્માત એટલો બચો ભયાનક હતો કે તેમાં 4 લોકોના મોત થયા છે. રિક્ષા અને આઇસર વચ્ચે અકસ્માતમાં રિક્ષાનો બુકડો બોલી ગયો છે.
ભયાનક અકસ્માતની ઘટના બની
રિક્ષા નંબર GJ 18 BY 1537 અને આઇસર નંબર GJ 02 ZZ 440 વચ્ચે ભયાનક અકસ્માતની ઘટના બની હતી. અકસ્માતમાં મૃતકોમાં ત્રણ પુરૂષ અને એક મહિલા છે. આ અકસ્માતમાં બે લોકો ગંભીર ઇજાગ્રસ્ત થયા છે. જેમની સારવાર નજીકની ખાનગી હોસ્પિટલમાં કરવામાં આવી રહી છે. આ અકસ્માતની ઘટનાની જાણ કડી પોલીસને કરાતા પોલીસ સ્ટાફ ઘટના સ્થળે દોડી આવ્યો હતો. રિક્ષામાંથી લાશોને બહાર કાઢી પીએમ અર્થે નજીકના હોસ્પિટલ ખસેડવામાં આવી છે. કડી પોલીસ દ્વારા આગળની તપાસ હાથ ધરવામાં આવી છે.
ધોલેરા-અમદાવાદ એક્સપ્રેસ હાઈવે પર અકસ્માતમાં 5ના મોત થયા હતા
ભાવનગર-અમદાવાદ એક્સપ્રેસ હાઈવે પર હેબતપુર અને સાંઢીડા ગામ નજીક ગમખ્વાર અકસ્માત સર્જાયો હતો. આ અકસ્માતના બનાવમાં સ્થળ ઉપર ત્રણ લોકોના મોત થયા હતા જ્યારે સારવાર દરમિયાન વધુ બે લોકોના મોત નિપજ્યા હતા. આ અકસ્માતમાં મોતનો આંકડો કુલ પાંચ પર પહોંચ્યો હતો. 12મે સોમવારના દિવસે આ અકસ્માતની ઘટના બની હતી.
સ્કોર્પિયો અને કિયા સેલટોસ કાર વચ્ચે ગમખ્વાર અકસ્માત સર્જાયો હતો. અકસ્માત એટલો ભયંકર હતો કે સ્કોર્પિયો કાર એક્સપ્રેસ હાઈવેથી નીચે ઉતરી ગઈ હતી. આ બનાવમાં સ્થળ ઉપર જ ડૉક્ટર ગૌરવભાઈ ડોબરીયા, તીર્થભાઈ ડોબરીયા અને અશોકભાઈ ડોબરીયાનું મોત થયું હતું જ્યારે અન્ય એક મહિલા દિશાબેનનું તેમજ ગોરધનભાઈ ડોબરિયાનું ભાવનગર સિવિલ હોસ્પિટલમાં સારવાર દરમિયાન મોત થયું હતું. ટ
જે કારનો અકસ્માત સર્જાયો હતો તેમાં બ્લેક કલરની કિયા સેલટોસ કાર જેનો GJ 04 EA 7161 નંબર છે જે પરિવાર ભાવનગરના પાલીતાણા તાલુકાનું હોવાનું જાણવા મળ્યું હતું. જ્યારે સ્કોર્પિયો કાર GJ-01-WB 1997 અમદાવાદ પાર્સિંગની છે અને મૃતક પરિવારના સભ્ય પણ અમદાવાદના છે. અકસ્માતમાં બે લોકોને ગંભીર ઈજા પહોંચી છે જેની સારવાર ચાલી રહી છે. પોલીસે અકસ્માત સ્થળ પર પહોંચી તપાસ હાથ ધરી હતી.
ટોપ સ્ટોરી
ટ્રેન્ડિંગ સમાચાર
