Amreli Rain: અમરેલી-સાવરકુંડલા સ્ટેટ હાઇવે ધસમસતા પાણીના પ્રવાહમાં ધોવાયો, વાહન વ્યવહાર ઠપ્પ
અમરેલી જિલ્લામાં ધોધમાર વરસાદ વરસી રહ્યો છે. અમરેલી જિલ્લાના તાલુકાઓ સાવરકુંડલા, રાજુલા, ધારી, ભારે વરસાદ વરસ્યો છે.
- સાવરકુંડલાના ઓળિયા ગામ નજીક વરસાદને કારણે નેશનલ હાઈવેના તૂટી જતા વાહન વ્યવહાર બંધ
- ધારીમાં 10 ઇંચ વરસાદ, શેત્રુંજી નદીમાં ઘોડાપૂર આવ્યું.
- રાજુલામાં 12 ઇંચ વરસાદ, ધાતરવડી ડેમ-1 ઓવરફ્લો થયો.
Amreli Heavy Rain: અમરેલી જિલ્લામાં ધોધમાર વરસાદ વરસી રહ્યો છે. અમરેલી જિલ્લાના તાલુકાઓ સાવરકુંડલા, રાજુલા, ધારી, ભારે વરસાદ વરસ્યો છે. અમરેલી જિલ્લામાં ગઈકાલે પડેલા ભારે વરસાદને પગલે અનેક રસ્તાઓ પ્રભાવિત થયા હતા. જિલ્લાનો સૌથી મહત્વનો ગણાતો પીપાવાવ અમરેલી નેશનલ હાઈવે ગઈકાલથી બંધ થતા વાહન ચાલકોને ભારે મુશ્કેલી થઈ છે. અમરેલી જિલ્લાના સાવરકુંડલાના ઓળિયા ગામ નજીક ભારે વરસાદને કારણે નેશનલ હાઈવેના તૂટી જતા વાહન વ્યવહાર સંપૂર્ણ પણે બંધ કરાયો હતો.
ગઈકાલે સાંજે પાંચ વાગ્યાના અરસામાં પીપાવાવ અમરેલી નેશનલ હાઈવે બંધ થયો હતો. 16 કલાકનો સમય પસાર થઈ જવા છતાં હજુ સુધી હાઈવે શરૂ થયો નથી. 16-16 કલાકનો સમય પસાર થવાછતાં નેશનલ ઓથોરિટીના અધિકારી દ્વારા કોઈ રિપેરિંગ કરવામાં આવ્યું નથી.
ધારીમાં 10 ઈંચ વરસાદ
ધારી પંથકમાં 10 ઈંચ વરસાદ ખાબકતા આભ ફાટવા જેવી સ્થિતિ સર્જાઈ છે. ધારીના જોશીબાગ, ખડિયા સહિતના અનેક નીચાણવાળા રહેણાંક વિસ્તારોમાં ઘૂંટણસમા પાણી ભરાઈ ગયા હતા. સ્થાનિકોના મકાનોમાં પૂરના પાણી ઘૂસી જતાં અનાજ, કપડાં અને ઈલેક્ટ્રોનિક્સ સામાન સહિતની ઘરવખરી પલળી ગઈ હતી. ધારીના મધ્યમાંથી પસાર થતી મુખ્ય શેત્રુંજી નદીમાં ઉપરવાસના ભારે વરસાદને કારણે ઘોડાપૂર આવ્યું. નદી બંને કાંઠે વહેતી થતાં પૂરના પાણી ધારીના ઐતિહાસિક ગાંધી બ્રિજ પર ફરી વળ્યા હતા. પુલ પર પાણી ફરી વળતા પ્રશાસને સાવચેતીના ભાગરૂપે વાહનવ્યવહાર અટકાવી દીધો. નદી-નાળા છલકાઈ જવાના કારણે અને રસ્તાઓ પર નદી જેવા પ્રવાહ વહેતા થવાથી ધારીથી જૂનાગઢ તરફ જતો મુખ્ય હાઈવે બંધ થઈ ગયો. રસ્તો બંધ થવાના કારણે વાહનોની કતારો લાગી હતી.
આ પણ વાંચો- Amreli Rain: અમરેલીના ધારી પંથકમાં બારે મેઘ ખાંગા, 10 ઈંચ વરસાદથી જળબંબાકાર
રાજુલામાં પણ ભારે વરસાદ વરસતા અનેક નદીઓમાં પૂર આવ્યા છે. ભારે વરસાદને પગલે નીચાણવાળા વિસ્તારોમાં પાણી ફરી વળ્યા છે. નદીઓમાં ઘોડાપૂરના કારણે અનેક ગામના રસ્તાઓ બંધ થયા છે. અમરેલીના રાજુલા પંથકમાં 12 ઈંચ વરસાદ ખાબક્યો છે. ખેડૂતોની જીવાદોરી સમાન ધાતરવડી ડેમ-1 ઓવરફ્લો થયો છે. અવિરત વરસાદને પગલે ધાતરવડી ડેમ -1 ઓવરફ્લો થયો હતો. ધાતરવડી ડેમ-1 પીવાનુ પાણી અને 13 ગામના ખેડૂતોને સિંચાઈ માટેનો લાભ આપતો ડેમ ઓવરફ્લો થયો. ડેમ ઓવરફ્લો થતાં તંત્ર દ્વારા નીચાણવાળા વિસ્તારોને એલર્ટ કરાયા હતા.
ટોપ સ્ટોરી
ટ્રેન્ડિંગ સમાચાર
