Gujarat Assembly Elections: અરવલ્લી કોંગ્રેસમાં ગાબડું, ગૃહમંત્રી અમિત શાહની હાજરીમાં અનેક આગેવાનો બીજેપીમાં જોડાયા

Gujarat Assembly Elections 2022: વિધાનસભાની ચૂંટણીના પ્રથમ ચરણના મતદાનના હવે ગણતરીના કલાકો બાકી છે તેમ છતા પણ હજુ પક્ષપલટાનો સીલસીલો યથાવત છે.  અરવલ્લીના ભિલોડા તાલુકામાં કોંગ્રેસમાં ગાબડું પડ્યું છે.

દિલીપ કટારા ભાજપમાં જોડાયા

Gujarat Assembly Elections 2022: વિધાનસભાની ચૂંટણીના પ્રથમ ચરણના મતદાનના હવે ગણતરીના કલાકો બાકી છે તેમ છતા પણ હજુ પક્ષપલટાનો સીલસીલો યથાવત છે.  અરવલ્લીના ભિલોડા તાલુકામાં કોંગ્રેસમાં ગાબડું પડ્યું છે. કોંગ્રેસના અગ્રણી નેતા દિલીપ કટારા ભાજપમાં જોડાયા છે. તેમની સાથે કોંગ્રેસના અનેક અગ્રણીઓ પણ ભાજપમાં જોડાયા છે. આ તમામ લોકોને ગૃહમંત્રી અમિત શાહે ખેસ પહેરાવી બીજેપીમાં સ્વાગત કર્યું હતું.

જાણો કોંગ્રેસના ક્યા ઉમેદવારને આવ્યો હાર્ટ એટેક

 ભાવનગર ગ્રામ્ય વિધાનસભા સીટના કોંગ્રેસના ઉમેદવાર રેવતસિંહ ગોહિલને હાર્ટ એટેક આવ્યો છે. એટેક આવતા રેવતસિંહ ગોહિલને હાલમાં ખાનગી હોસ્પિટલમાં દાખલ કરવામાં આવ્યા છે. વિધાનસભાની ચૂંટણીને હવે ગણતરીના કલાકો જ બાકી છે ત્યારે કોંગ્રેસના ઉમેદવારને હાર્ટ એટેક આવતા સમર્થકોમાં ચિંતાનું મોજુ ફરી વળ્યું છે. તમને જણાવી દઈએ કે, ભાજપના ઉમેદવાર પરષોત્તમ સોલંકી સામે આ ચૂંટણીમાં એમની ફાઈટ છે.  રૈવતસિંહ વ્યસ્ત ગઈ કાલ રાત સુધી સભાઓ અને રેલીમાં દોડધામ કરતા હતા. અચાનક હાર્ટ એટેક આવતા ગ્રામ્ય કોંગ્રેસના સમર્થકો ચિંતામાં મુકાયા છે.

 ભાજપના કયા દિગ્ગજ નેતા જોડાયા કોંગ્રેસમાં

ગુજરાત ચૂંટણી પહેલા ભાજપને મોટો ફટકો લાગ્યો છે. ટિકિટ ન મળવાથી નારાજ થયેલા ભાજપના દિગ્ગજ નેતા જયનારાયણ વ્યાસ ભાજપમાં સામેલ થયા છે. કોંગ્રેસ અધ્યક્ષ મલ્લિકાર્જુન ખડગેની હાજરીમાં તેઓ કોંગ્રેસમાં સામેલ થયા. થોડા સમય પહેલા તેમણે અશોક ગેહલોત સાથે મુલાકાત કરી હતી, ત્યારથી તેમના કોંગ્રેસમાં જોડાવાની અટકળો થઈ રહી હતી. જયનારાયણ વ્યાસ સિદ્ધપુરથી ભાજપના ધારાસભ્ય રહી ચુક્યા છે.

ન્યૂઝ એજન્સી એએનઆઈ મુજબ, તેમનો પુત્ર સમીર વ્યાસ પણ કોંગ્રેસમાં સામેલ થયો છે. પ્રેસ કોન્ફરન્સને સંબોધતા મલ્લિકાજુર્ન ખડગેએ કહ્યું,  હિન્દુસ્તાન ના ખૂણા ખૂણા માં અમારા કાર્યકર્તા બેઠેલા છે, ગુજરાતની જનતા ઇન્ટેલિજન્ટ છે, સૌથી વધુ સ્કીલ ગુજરાતમાં છે, બિઝનેસમાં, સાયન્સ ટેકનોલોજીમાં તમામમાં છવાયેલા છે.

પૂજ્ય મહાત્મા ગાંધીના રાજ્યમાં મહાત્મા ગાંધીને હું ગુજરાત પૂરતા સીમિત કરવા નથી માંગતો પરંતુ અમુક લોકો વારંવાર તેમનું નામ લઈને કોંગ્રેસ ને બદનામ કરે છે. 27 વર્ષ પછી પ્રાઈમ મિનિસ્ટર, જેવા અનેક મિનિસ્ટર ખુદ આવી ને ભડકાઉ ભાષણ આપવાની ફરજ પડી. મોદીએ ગુજરાત બનાવ્યું. આ પહેલા ગુજરાત બનાવવા મોરારજી દેસાઈથી લઈને ઘણા નેતા હતા આ લોકોએ કંઈ નહિ કર્યું? મોદીએ જ કર્યું ? પહેલા કોગ્રેસમાં જે સરકાર હતી, જેમને પોતાના પ્રાણ આપ્યા અને કહો છો કોંગ્રેસએ કંઈ આપ્યું નહિ આ કોમન ડાયલોગ છે. 70 વર્ષમાં કોઈએ કંઈ બનાવ્યું છે તો તે કોંગ્રેસએ બનાવ્યું છે. આ દેશને આઝાદી અપાવી એનું ચિત્ર નથી જોતા અને ફળ તો ખાઈ રહ્યા છે. આ ચૂંટણી મહત્વપૂર્ણ છે કારણ કે મોદી અને શાહ ખુદ પરેશાન છે, બીજાની મજાક કરવી, બીજા વિશે ખોટી વાતો કરવીએ ઠીક નથી